ଝରକା ତାଡ଼ି ଘରୁ ଲୁଟିନେଲେ ୧୦ ଲକ୍ଷ ଟଙ୍କାର ସୁନା ଅଲଙ୍କାର

ଭୁବନେଶ୍ୱର: କୋଳଥିଆରେ କଳା କନା ବୁଲାଇଲେ ଲୁଟେରା । ଝରକା ତାଡି ଘରେ ପଶିଲେ , ସୁନା ରୁପା ସହ ସବୁ ଲୁଟିନେଲେ । ଖାରବେଳ କମ୍ପ୍ଲେକ୍ସରେ ଗତ ଏପ୍ରିଲ ଏକ ତାରିଖରେ ଘଟିଥିଲା ଘଟଣା । ଭୋରରୁ ଲୁଟେରା ଲୁଟି ନେଇଥିଲେ 10 ଲକ୍ଷ ଟଙ୍କାର ଅଳଙ୍କାର । ଲୁଟ ବେଳର ଦୃଶ୍ୟ ସିସିଟିଭିରେ କଏଦ ହୋଇଥିଲା । ଥାନାରେ ସିସିଟିଭି ଫୁଟେଜ ସହ ମାମଲା ଦାୟର କରିଛନ୍ତି ଲୁଟ ଶିକାର ହୋଇଥିବା ବ୍ୟକ୍ତି ।

ସେପଟେ ଗୁରୁତ୍ୱପୂର୍ଣ୍ଣ ଘଟଣା ହେଉଛି ଥାନାରେ ଅଭିଯୋଗ କରିଥିଲେ ସୁଦ୍ଧା ପୋଲିସ ତଦନ୍ତ କରୁନଥିବା ଅଭିଯୋଗ କରିଛନ୍ତି ଅଭିଯୋଗକାରୀ  । ତେବେ ଏନେଇ ପୋଲିସର କୌଣସି ପ୍ରତିକ୍ରିୟା ମିଳି ପାରିନାହିଁ  । ଏହି ଲୁଟ ଘଟଣାରେ କେଉଁମାନେ ସଂଶ୍ଲିଷ୍ଟ ଏବଂ ଏମାନେ କେଉଁ ଅଞ୍ଚଳର ତାହାର ତଦନ୍ତ କରିବା ନିତାନ୍ତ ଆବଶ୍ୟକ  । ପୋଲିସ ଆଇନ ମୁତାବକ କାର୍ଯ୍ୟାନୁଷ୍ଠାନ ଗ୍ରହଣ କରିବା ଆବଶ୍ୟକ ବୋଲି ଦାବି କରିଛନ୍ତି ଅଭିଯୋଗକାରୀ  ।