ମେଡିସିନ ଦୋକାନ କର୍ମଚାରୀଙ୍କୁ ଲୁଟିଦେଲେ..

ଢେଙ୍କାନାଳ: ଲୁଟର ଶିକାର ହୋଇ ଏ ଥାନାରୁ ସେ ଥାନାକୁ ବୁଲିଲେ ମେଡିସିନ ଦୋକାନ କର୍ମଚାରୀ । ଅଭିଯୋଗ ପରେ ବି ଶୁଣିଲାନି ପୋଲିସ । ଢେଙ୍କାନାଳ ଜିଲ୍ଲା କାମାକ୍ଷାନଗର ଅଞ୍ଚଳରେ ଘଟିଛି ଏଭଳି ଘଟଣା । କଙ୍କଡ଼ାହାଡରୁ ମେଡିସିନ ଟଙ୍କା କଲେକ୍ସନ କରି ଫେରିବାବେଳେ ବାଙ୍କମଞ୍ଜରୀ ନିକଟରେ ଦୁଇ କର୍ମଚାରୀଙ୍କୁ ଅଟକାଇ ମାରଣାସ୍ତ୍ର ଦେଖାଇଥିଲେ ଦୁର୍ବୃତ୍ତ ।

ଗନ ପଏଣ୍ଟରେ ଲୁଟି ନେଇଥିଲେ ୯୧ ହଜାର ୫ଶହ ଟଙ୍କା । ଏନେଇ ଉଭୟ କଙ୍କଡ଼ାହାଡ଼ ଥାନାକୁ ଅଭିଯୋଗ କରିବାକୁ ଯାଇଥିବାବେଳେ ଘଟଣାସ୍ଥଳ ତାଙ୍କ ଥାନା ଅଧୀନରେ ନଥିବା କହି କାମାକ୍ଷାନଗର ଥାନା ଯିବାକୁ କହିଥିଲେ । ପରେ ଉଭୟ କର୍ମଚାରୀ କାମାକ୍ଷାନଗର ଥାନାରେ ଅଭିଯୋଗ କରିଥିଲେ । ମାତ୍ର ସେଠି ମଧ୍ୟ ସମାନ ଅବସ୍ଥା । ଶେଷରେ ଅଭିଯୋଗ କରିନପାରି ଅସନ୍ତୋଷ ପ୍ରକାଶ କରିଛନ୍ତି ଲୁଟର ଶିକାର ବ୍ୟକ୍ତି ।