କଟକ IIFL ଲୁଟ୍ ଘଟଣା: ଆଜି ଆଉ ୪ଜଣ କର୍ମଚାରୀଙ୍କୁ ଉଠାଇନେଲା ପୋଲିସ
କଟକ: କଟକ ନୟାସଡକ ଆଇଆଇଏଫଏଲ ଲୁଟ ଘଟଣା । ଶାଖାର ଆଉ ୪ କର୍ମଚାରୀଙ୍କୁ ଉଠାଇନେଲା ପୋଲିସ । ଜଣେ ମହିଳା କର୍ମଚାରୀଙ୍କ ସମେତ ୪ କର୍ମଚାରୀଙ୍କୁ ପୋଲିସର ଜେରା । ଲୁଟରେ ଅନ୍ୟ କର୍ମଚାରୀଙ୍କ ସଂପୃକ୍ତି ସନ୍ଦେହ କରି ପୋଲିସ ପଚରାଉଚୁରା କରୁଛି । ଗତକାଲି ରାଜ୍ୟର ଏହି ଦ୍ୱିତୀୟ ବଡ଼ ବ୍ୟାଙ୍କ ଡକାୟତିର ରହସ୍ୟ ଉନ୍ମୋଚନ କରିଥିଲା ପୋଲିସ ।
୪ ଡକାୟତଙ୍କୁ ଅଟକ ରଖି ଜେରା ଚାଲିଥିବା ବେଳେ ଆଜି ପୁଣି ଆଉ ୪ଜଣଙ୍କୁ ଜେରା କରିବାକୁ ନେଇଛି ପୋଲିସ । ଲୁଟରେ ମୁଖ୍ୟ ସୂତ୍ରଧର ଥିଲେ ବ୍ୟାଙ୍କ କର୍ମଚାରୀ । ସେମାନଙ୍କ ଠାରୁ ୨ କେଜି ସୁନା ଜବତ ହୋଇଥିବା ବେଳେ ପୂରା ବ୍ୟାଙ୍କର ଚାଲିଚଳଣ ଓ ହାବଭାବ ଉପରେ ଅନୁସନ୍ଧାନ କରୁଛି ପୋଲିସ ।
ସେହିଭଳି ମାତ୍ର ୬ ଦିନରେ ଘଟଣାର ପର୍ଦ୍ଦାଫାସ କରିଥିଲା ପୋଲିସ । କଟକ ଡିସିପିଙ୍କ ନେତୃତ୍ୱରେ ହୋଇଥିଲା ତଦନ୍ତ ରେକର୍ଡ ସମୟ ମଧ୍ୟରେ ପର୍ଦ୍ଦାଫାସ କରିଥିଲା ପୋଲିସ । ସବୁଠାରୁ ବଡ଼ କଥା ହେଉଛି ଏହି ବ୍ୟାଙ୍କ୍ ଲୁଟ ପଛର ମୁଖ୍ୟ ସୂତ୍ରଧର ଥିଲା ସେହି ବ୍ୟାଙ୍କର କର୍ମଚାରୀ । କର୍ମଚାରୀଙ୍କର ନାମ ହେଉଛି ଲାଲା ଅମ୍ରିତ ରାୟ । ତେବେ ଏହି ଡକାୟତିରେ ୪ ଜଣ କର୍ମଚାରୀ ଥିଲେ । କିନ୍ତୁ ବାହାରେ ରହି ଲୁଟକୁ ପରିଚାଳନା କରୁଥିଲେ ଆଉଜଣେ ବ୍ୟକ୍ତି । ଯାହାଙ୍କର ନାମ ହେଉଛି ରଞ୍ଜନ ବେହେରା । ରଞ୍ଜନ ବେହେରାଙ୍କର ଘର ହେଉଛି କିଶନନଗର ଅଞ୍ଚଳରେ । ଲାଲା ଅମ୍ରିତ ରାୟ ଏବଂ ରଞ୍ଜନ ବେହେରା ହେଉଛନ୍ତି ପିଲା ବେଳର ସାଙ୍ଗ । ଦୁହେଁ ମିଳିତ ଭାବରେ ପ୍ଲାନ୍ କରି ଏହି ଲୁଟ କରିଥିବା ସୂଚନା ମିଳିଥିଲା ।
