କଟକରେ ସକ୍ରିୟ ଲୁଟେରା ଗ୍ୟାଙ୍ଗ, ଘରୁ ଲୁଟିନେଲେ ୧୮ ଲକ୍ଷ

କଟକ: ପୁଣି ସକ୍ରିୟ ଲୁଟେରା ଗ୍ୟାଙ୍ଗ । ମହାନଦୀ ବିହାର ଅଂଚଳରେ ବଡ ଧରଣର ଡକାୟତି । ଭୋର ସମୟରେ ଘରେ ପଶି ଗୃହକର୍ତ୍ତାଙ୍କୁ ଆକ୍ରମଣ କରିବା ସହିତ ଗୋଡହାତ ବାନ୍ଧି କଳାକନା ବୁଲାଇଲେ ଦୁର୍ବୁତ୍ତ । ଦୀପ୍ତି ପଟ୍ଟନାୟକଙ୍କ ଘରେ ଆଜି ଭୋରୁ ହୋଇଛି ସଶସ୍ତ୍ର ଡକାୟତି । ନଗଦ 18 ଲକ୍ଷ 50 ହଜାର ଟଙ୍କା ସହ ସୁନା, ରୁପା ଅଳଙ୍କାର ଲୁଟି ନେଇଛନ୍ତି ଦୁର୍ବୁତ୍ତ ।

5 ଜଣ ଡକାୟତ ଘରେ ପଶି ପ୍ରଥମେ ମହିଳା ପରେ ଟ୍ୟୁସନ୍ ଦିଦି ଓ ଦୀପ୍ତିଙ୍କୁ ଆକ୍ରମଣ କରିଥିଲେ । ସମସ୍ତଙ୍କୁ ବାନ୍ଧି ଗୋଟିଏ ରୁମରେ ଲକ୍ କରି ଆରମ୍ଭ କରିଥିଲେ ଲୁଟ୍ । ପ୍ରମାଣ ନଷ୍ଟ କରିବାକୁ ଡକାୟତମାନେ ସିସି ଟିଭି ହାର୍ଡଡିସ୍କକୁ ମଧ୍ୟ ଲୁଟି ନେଇଛନ୍ତି । ଘଟଣା ସ୍ଥଳରେ ଚାଉଳିଆଗଞ୍ଜ ପୋଲିସ ଓ ସାଇନ୍ଟିଫିକ ଟିମ୍ ପହଞ୍ଚି ଛାନବିନ ଜାରି ରଖିଛି ।