ବସ୍ ଭିତରେ ଅଭିନବ ଉପାୟରେ ଲୁଟ୍, ଶିଶୁର ହଗିସରୁ ମିଳିଲା ଲୁଟ୍ ଅଳଙ୍କାର
ସୋରୋ: ବସ୍ ଭିତରେ ଅଭିନବ ଉପାୟରେ ଲୁଟ୍ । ଶିଶୁ ପିନ୍ଧିଥିବା ହଗିସରୁ ମିଳିଲା ଲୁଟ୍ ଅଳଙ୍କାର । ଦୁଇ ମହିଳାଙ୍କ ସମେତ ତିନି ନାବାଳିକା ଥାନାରେ ଅଟକ । ଭଦ୍ରକ ଜିଲ୍ଲା ଧାମରାରୁ ବାଲେଶ୍ଵର ଯାଉଥିବା ଏକ ଘରୋଇ ବସରେ ବାସୁଦେବପୁର ବ୍ଲକ ରାଧାବଲ୍ଲଭପୁରର ଅଞ୍ଜନା ମହାନ୍ତି ଓ ଅନ୍ୟ କିଛି ଯାତ୍ରୀ ଆସୁଥିଲେ । ଏହି ସମୟରେ ଅଧରାସ୍ତାରେ କିଛି ବଞ୍ଜରା ଉଠିଥିଲେ ।
ବସରେ ଭିଡ଼ ଭିତରୁ ଫାଇଦା ନେଇ ଅଞ୍ଜନା ମହାନ୍ତିଙ୍କର ଲକ୍ଷାଧିକ ଟଙ୍କାର ଅଳଙ୍କାର ଓ ଅନ୍ୟ ଦୁଇ ବସ ଯାତ୍ରୀଙ୍କଠାରୁ ୯୦ ହଜାର ଟଙ୍କା ଲୁଟ କରିଥିଲେ । ଅଞ୍ଜନା ସୋର ନିକଟରେ ତାଙ୍କ ବ୍ୟାଗ୍ ଖୋଜାଖୋଜି କରିବାରୁ ଗହଣା ଚୋରି ହୋଇଥିବା ଜାଣି ପାରିଥିଲେ । ସନ୍ଦେହ କରି ବସରୁ ଦୁଇ ମହିଳା ଓ ଦୁଇ ଶିଶୁଙ୍କୁ ସୋର ପୋଲିସ ଜିମା ଦେଇଥିଲେ । ପୋଲିସ ମହିଳା ଓ ଶିଶୁଙ୍କ ତଲାସି ନେବା ପରେ ଦୁଇ ଶିଶୁ ପିନ୍ଧିଥିବା ହଗିସରୁ ଚୋରି ଅଳଙ୍କାର ବାହାରିବା ସହିତ ଦୁଇ ମହିଳାଙ୍କ ନିକଟରୁ ୪ ହଜାର ଟଙ୍କା ମିଳିଥିଲା । ପୋଲିସ ଏମାନଙ୍କୁ ଅଟକ ରଖି ଅଧିକ ତଦନ୍ତ କରୁଛି ।
