ଲୁଟେରାଙ୍କ ଖୋଲା ଚ୍ୟାଲେଞ୍ଜ: ଗୋଟିଏ ଦିନରେ ଘଟାଇଲେ ତିନି ତିନଟି ଅପରାଧ
ସମ୍ବଲପୁର: ବୁର୍ଲାରେ ପୋଲିସକୁ ଲୁଟେରାଙ୍କ ଖୋଲା ଚ୍ୟାଲେଞ୍ଜ । ଗୋଟିଏ ଦିନରେ ଘଟାଇଲେ ତିନି ତିନଟି ଅପରାଧ । ପୋଲିସର ନିଷ୍କ୍ରିୟତାକୁ ନେଇ ଉଠିଛି ପ୍ରଶ୍ନ । ଗତକାଲି ବୁର୍ଲା ମହତାବ ନଗର ନିକଟରେ ଜଣଙ୍କ ଘର ଆଗରେ ଭୁଜାଲି ଓ ଖଣ୍ଡାରେ ୩ଜଣଙ୍କୁ ମରଣାତ୍ମକ ଆକ୍ରମଣ ହୋଇଥିଲା ଏଥିରେ ଜଣଙ୍କ ଅବସ୍ଥା ଗୁରୁତର ରହିଛି ।
ଏହା ସହିତ ବିଳମ୍ବିତ ରାତିରେ ବୁର୍ଲା ସହରର ୟୁନିଭରସିଟି ବସନ୍ତ ବିହାର ଅଞ୍ଚଳରେ ଦୋକାନର ଗେଟ ଭାଙ୍ଗି ଖାଦ୍ୟ ସାମଗ୍ରୀ ସହିତ ୧୪ ହଜାର ଟଙ୍କା ଚୋରି କରାଯ଼ାଇଥିବା ବୁର୍ଲା ଥାନାରେ ଅଭିଯ଼ୋଗ ହୋଇଛି । ସେହିପରି ବସନ୍ତ ବିହାର ଅଂଚଳରେ ବାସ କରୁଥିବା ଚିତ୍ତରଞ୍ଜନ ସ୍ୱାଇଁ ଓ ଏ ସାମଲ ନାମକ ଦୁଇ ଜଣ ବ୍ୟକ୍ତିଙ୍କର ଘରର କବାଟ ଭାଙ୍ଗି ଦୁର୍ବୃତ୍ତ ଚୋରି କରିବା ଉଦ୍ୟମ ବୁର୍ଲା ଥାନାରେ ଅଭିଯୋଗ ହୋଇଛି ।
