ଆକ୍ରୋପଲିସ ଆପାର୍ଟମେଣ୍ଟରୁ ଲୁଟ୍, ଚିଫ୍ ସାଇଣ୍ଟିଷ୍ଟଙ୍କ ଘରୁ ୫୦ ଭରି ସୁନା ଲୁଟିନେଲେ ଲୁଟେରା

ଭୁବନେଶ୍ବର: ଭୁବନେଶ୍ବର ଚନ୍ଦକା ଥାନା ଅଧିନ ଆକ୍ରୋପଲିସ ଆପାର୍ଟମେଣ୍ଟରେ ବଡ ଧରଣର ଚୋରି। ପୂର୍ବତନ ଚିଫ୍ ସାଇଣ୍ଟିଷ୍ଟଙ୍କ ଘରୁ ଲୁଟିନେଲେ ଲୁଟେରା। ୫୦ ଭରି ସୁନା ଅଳଙ୍କାର ସମେତ ୪୦ରୁ ଅଧିକ ରୁପା କଏନ ଲୁଟ୍। ନ୍ୟାସନାଲ ମେଟାଲର୍ଜିକାଲ ଲାବରେଟୋରୀର ପୂର୍ବତନ ଚିଫ୍ ସାଇଣ୍ଟିଷ୍ଟ ନାରାୟଣ ପରିଡାଙ୍କ ଘରୁ ଲୁଟ ହୋଇଛି। ଦେଶ ବାହାରକୁ ଯାଇଥିବା ବେଳେ କଳାକନା ବୁଲାଇଛନ୍ତି ଲୁଟେରା।

ୟୁରୋପରେ ଥିବା ପୁଅ ପାଖକୁ ଯାଇଥିବା ବେଳେ ଲୁଟ୍ ହୋଇଥିବା ଜଣାପଡିଛି। ସେପ୍ଟେମ୍ବର ୧୧ ତାରିଖ ରାତିରେ ଚୋରି ହୋଇଥିବା ଜଣାପଡିଛି। ୧୨ ତାରିଖରେ ଘର ତାଲା ଭାଙ୍ଗିଥିବା ଦେଖିଥିଲେ କେୟାରଟେକର। ଆଜି ୟୁରୋପରୁ ଆସି ପହଞ୍ଚିଛନ୍ତି ପରିବାର ଲୋକେ। ଘର ଭିତରୁ ୧୦ ହଜାର ନେଇଯାଇଛନ୍ତି ଲୁଟେରା। ଆପାର୍ଟମେଣ୍ଟରେ କଡା ସୁରକ୍ଷା ସତ୍ତ୍ୱେ ଲୁଟ ହୋଇଛି। ତେବେ ବିଲ୍ଡରକୁ ସିସିଟିଭି ଲଗାଇବା ପାଇଁ କହିଥିଲେବି ସିସିଟିଭି କାମ କରୁନଥିବା ଅଭିଯୋଗ ହୋଇଛି।