ପୁଣି ମୋ ବସରୁ ଲୁଟ୍, ବାହାଘର ପାଇଁ ଲୁଗା କିଣିବାକୁ ଆସି ହେଲେ ଲୁଟର ଶିକାର

ଭୁବନେଶ୍ୱର: ପୁଣି ମୋ ବସରୁ ଲୁଟ୍ । ୫୦ ହଜାର ଟଙ୍କା ଲୁଟ୍ । ଲୁଟର ଶିକାର ହୋଇଛନ୍ତି ବାଙ୍କୀ ଅଞ୍ଚଳର ରାଜକିଶୋର ଜେନା । ମୋ ବସ୍‌ ଭିତରୁ ତାଙ୍କର ୫୦ ହଜାର ଟଙ୍କା ଲୁଟ ହୋଇଥିବା ଅଭିଯୋଗ ହୋଇଛି । ବାହାଘର ପାଇଁ ଲୁଗାପଟା କିଣିବାକୁ ଭୁବନେଶ୍ବର ଆସିବା ବେଳେ ରାଜକିଶୋର ଲୁଟର ଶିକାର ହୋଇଛନ୍ତି । ବାଙ୍କୀ ଥାନା ବିଲୁପଡା ବଡ଼ ପଦନପୂରର ରାଜକିଶୋର ଜେନା ସପରିବାର ଭୁବନେଶ୍ବର ଆସିବା ପାଇଁ ତ୍ରିଶୂଳିଆରୁ ୧୮ ନମ୍ବର ବସରେ ବସିଥିଲେ । ଚନ୍ଦ୍ରଶେଖରପୁର ଅଞ୍ଚଳରେ ତାଙ୍କର ୫୦ ହଜାର ଟଙ୍କା ଚୋରି ହୋଇଥିବା ଜାଣିବାକୁ ପାଇଥିଲେ ରାଜକିଶୋର । ବସ୍ କର୍ମଚାରୀ ବସ ଅଟକାଇ ଯାଞ୍ଚ କଲା ବେଳକୁ ଲୁଟେରାର ପତ୍ତା ମିଳିନଥିଲା । ରାଜକିଶୋର ଏନେଇ ଚନ୍ଦ୍ରଶେଖରପୁର ଥାନାର ଦ୍ବାରସ୍ଥ ହୋଇଛନ୍ତି ।