ରାଜଧାନୀରେ ଲୁଟେରାଙ୍କ ରାଜ୍, ବରଯାତ୍ରୀରେ ଆସି ଲୁଟିନେଲ ସୁନାଗହଣା

ଭୁବନେଶ୍ୱର: ଦିନକୁ ଦିନ ରାଜଧାନୀରେ ବଢ଼ିଚାଲିଛି ଲୁଟେରାଙ୍କ ଦୈରାତ୍ମ୍ୟ । କେତେବେଳେ ଗ୍ରାହକ ବେଶରେ ଆସି ଔଷଧ ଦୋକାନରୁ ଲୁଟି ନେଇଛନ୍ତି ଟଙ୍କା ତ କେତେବେଳେ ବରଯାତ୍ରୀ ବେଶରେ ଲୁଟ୍ ହେଉଛି । ଏଥର ବରଯାତ୍ରୀ ବେଶରେ ଆସି ଭୋଜି ଖାଇଲେ, ଭ୍ୟାନିଟି ବ୍ୟାଗ୍ ଧରି ଛୁ ମାରିଲା ଲୁଟେରା । ୨ ଲକ୍ଷ ଟଙ୍କାର ସୁନା ଲୁଟ ହୋଇଥିବା ଅଭିଯୋଗ ହୋଇଛି । ଏହି ଚୋରି ସମୟର ସିସିଟିଭି ଭିଜୁଆଲ ବର୍ତ୍ତମାନ ସାମ୍ନାକୁ ଆସିଛି । ଲୁଟେରା ଜଣକ ଜଣେ ନାବାଳକକୁ ଢାଲ କରିଥିଲା ।

ଏହି ଘଟଣା କେଶୁରା ଛକ ପଲ୍ଲବୀ ମଣ୍ଡପରେ ହୋଇଛି । କେଶୁରା ଛକ ପଲ୍ଲବୀ ମଣ୍ଡପରେ ଚାଲିଥିଲା ବାହାଘର । ଏହି ସମୟରେ ଜଣେ ନାବାଳକ ଓ ଜଣେ ବୟସ୍କ ବ୍ୟକ୍ତି ମଣ୍ଡପକୁ ଆସିଥିଲେ । ତା’ପରେ ଭୋଜି ଖାଇଥିଲେ । ମୌକା ପାଇ ମହିଳାଙ୍କ ସୁନା ଗହଣା ଥିବା ବ୍ୟାଗ୍ ଉଠାଇ ନେଇ ଚମ୍ପଟ୍ ମାରିଥିଲେ । ଏନେଇ ସହିଦନଗର ଥାନାରେ ଏତଲା ଦିଆଯିବା ପରେ ପୋଲିସ ସିସିଟିଭି ଫୁଟେଜ୍‌ ଆଧାରରେ ତଦନ୍ତ କରୁଛି ।

Leave a Reply