ନିଶା ଦେଇ ବେପାରୀଙ୍କ ଠାରୁ ଲୁଟିଲେ ଦୁର୍ବୃତ୍ତ

ଭଦ୍ରକ:  ‘ଚା ‘ ରେ ନିଶାଦ୍ରବ୍ୟ ଦେଇ ବେପାରୀଙ୍କ ଠାରୁ ଲୁଟ୍। ଦୁଇ ଆଇସ୍କ୍ରିମ ବେପାରୀଙ୍କଠାରୁ ଲୁଟ କରିଥିବା ଅଭିଯୋଗ ହୋଇଛି । ଉକ୍ତ ବେପାରୀଙ୍କ ଘର ଭଦ୍ରକର ଗ୍ରାମାଞ୍ଚଳ ଥାନା ଅନ୍ତର୍ଗତ କୂଆପଦା ଓ ଜଳଙ୍ଗାରେ ବୋଲି ଜଣା ପଡ଼ିଛି । ବେପାର ସାରି ଫେରୁଥିବା ବେଳେ ଏହି ଲୁଟର ଶିକାର ହୋଇଛନ୍ତି ବେପାରୀ ।

ସୂଚନା ଅନୁଯାୟୀ ଭଦ୍ରକ ଚରମ୍ପା ଅଞ୍ଚଳରେ ବର୍ତ୍ତମାନ ବହୁ ଧୁମ ଧାମରେ ପାଳନ କରାଯାଉଛି କାଳୀପୂଜା । ଏହାର ସୁଜୋଗ ନେଇ କେହି ଜଣେ ଦୁର୍ବୃତ୍ତ ଏଭଳି କାଣ୍ଡ ଭିଆଇଥିବା ସନ୍ଦେହ କରାଯାଉଛି । ଦୁଇ ଆଇସକ୍ରିମ ବେପାରୀ ପଥରକାଳୀ ପୂଜା ମଣ୍ଡପ ନିକଟରେ ବେପାର କରୁଥିବା ସମୟରେ ରବିବାର ରାତିରେ ଚା’ ଦୋକାନରୁ ଦୁଇଜଣ ଚା ପିଇଥିଲେ  । ଚା’ ପିଇବା ପରେ ହଠାତ୍ ଦୁଇଜଣକଙ୍କର ମୁଣ୍ଡ ଘୁରାଇବା ସହ ଘଟଣା ସ୍ଥଳରେ ଚେତାଶୂନ୍ୟ ହୋଇଯାଇଥିଲେ । ଘଟଣାସ୍ଥଳରେ ଥିବା ସ୍ଥାନୀୟ ଲୋକ ଦୁଇ ଜଣଙ୍କୁ ଭଦ୍ରକ ମେଡିକାଲରେ ଭର୍ତ୍ତି କରିଥିଲେ । ଆଜି ସେମାନଙ୍କର ଚେତା ଆସିବା ପରେ ସମସ୍ତ ଘଟଣା ସାମ୍ନାକୁ ଆସିଛି  । କାଳୀପୂଜାର ଗହଳିରେ ଲୁଟେରା ମାନେ ଲୁଟ କରିବା ପାଇଁ ବେପାରୀଙ୍କୁ ଟାର୍ଗେଟ କରୁଥିବା ସନ୍ଦେହ କରାଯାଉଛି। ')}