ସବୁ ସମସ୍ୟାର ସମାଧାନ କରିବେ କହି ସୁନାଗହଣା ଲୁଟିନେଲେ ନାଗା ବାବା

ଭୁବନେଶ୍ୱର: ନାଗା ବାବା ଲୁଟି ନେଲେ ସୁନାଗହଣା । ସକାଳୁ ଯଥେଷ୍ଟ ସମ୍ମାନ ସହ ଘରେ ପହଞ୍ଚିଲେ । ସବୁ ସମସ୍ୟାର ସମାଧାନ କରିବେ ବୋଲି କହିଲେ । ବାବା ରହିବେ, ଘରର ବିଭିନ୍ନ ସମସ୍ୟାର ସମାଧାନର ବାଟ ବତାଇବେ । ଏହା ଭାବି ପରିବାର ଲୋକ ଅତିଥି ସେବାରେ ଲାଗି ପଡିଥିଲେ । ହେଲେ ସମାଧାନ କରିବା ତ ଦୂର କଥା, ଝଡ଼ାଫୁଙ୍କା, ତନ୍ତ୍ରମନ୍ତ୍ର ଆଳକରି ନେଇଗଲେ ସୁନାଗହଣା । ନନ୍ଦନକାନନ ଥାନାରେ ଏଭଳି ଅଭିଯୋଗ କରିଛନ୍ତି ରଘୁନାଥପୁରର ରାକେଶ ପଢ଼ିଆରୀ । ରାକେଶ ପଢ଼ିଆରୀଙ୍କ ଘରୁ ସୁନାଗହଣା ସହ ୨ ଲକ୍ଷରୁ ଅଧିକ ଟଙ୍କା ଚୋରି ହୋଇଛି । ନାଗା ବାବା ଜଣକ କିଛି ପୂଜାର୍ଚ୍ଚନା କରି ଫେରି ଯାଇଥିଲେ । କିଛି ସମୟ ପରେ ଜଣାପଡିଥିଲା ଯେ, ଘରୁ ଟଙ୍କା ଲୁଟ୍ ହୋଇଛି । ଏନେଇ ନନ୍ଦନକାନନ ଥାନାରେ ଅଭିଯୋଗ କରିଥିଲେ ରାକେଶ । ନାଗା ବାବାଙ୍କ ଘର ଉତ୍ତରପ୍ରଦେଶ ବୋଲି ଜାଣିବାକୁ ପାଇଛି ପୋଲିସ ।