କୋରେଇରେ ଦୁର୍ଗା ମଣ୍ଡପରୁ ଲୁଟ୍

ଯାଜପୁର : ଯାଜପୁର କୋରେଇରେ ଦୁର୍ଗା ମଣ୍ଡପରୁ ଲୁଟ୍।  ମା’ ଦୂର୍ଗା ଓ ପାର୍ଶ୍ବ ଦେବାଦେବୀଙ୍କ ସୁନା ରୂପା ଅଳଙ୍କାର ସହ ରୂପାରେ ନିର୍ମିତ ଅସ୍ତ୍ରଶସ୍ତ୍ର ଲୁଟି ନେଲେ ଦୁର୍ବୃତ୍ତ। ଅଭିଯୋଗ ପାଇ ପୋଲିସ ତଦନ୍ତ ଆରମ୍ଭ କରିଛି। ରାତିରେ ମା’ ଙ୍କ ନିତୀକାନ୍ତି ଶେଷକରି ଆୟୋଜକ କମିଟି ସଦସ୍ୟ ଓ ପୂଜକ ମଣ୍ଡପ ଫାଟକରେ ତାଲା ପକାଇ ଶୋଇବାକୁ ପଳାଇଥିଲେ। ପରେ ବିଳମ୍ବିତ ରାତିରେ ଶୌଚ ହେବାକୁ ଉଠିବା ବେଳକୁ ମଣ୍ଡପ ଫାଟକ ଖୋଲା ରହିଥିବା ସହ ମା’ର ଦୁର୍ଗା ଓ ପାର୍ଶ୍ଵ ଦେବଦେବୀଙ୍କର ଗହଣା ଏବଂ ରୁପାରେ ନିର୍ମିତ ଅସ୍ତ୍ରଶସ୍ତ୍ର ଚୋରି ହୋଇଯାଇଥିବା ଦେଖିବାକୁ ପାଇଥିଲେ। ପରେ କମିଟିର ସମସ୍ତ ସଦସ୍ୟ ଏବଂ ଗ୍ରାମବାସୀଙ୍କୁ ଜଣାଇବା ସହ ଆଜି ସକାଳୁ କୋରେଇ ଥାନାରେ ଲିଖିତ ଅଭିଯୋଗ କରିଛନ୍ତି।  ଚୋରି ହୋଇଥିବା ଅଳଙ୍କାରର ମୂଲ୍ୟ ୧୦ ଲକ୍ଷ ଟଙ୍କାରୁ ଅଧିକ ହେବ ବୋଲି କୁହାଯାଉଛି।