ନୂଆଦିଲ୍ଲୀ: ୨୦୨୪ ସାଧାରଣ ନିର୍ବାଚନ ବିଗୁଲ ବାଜିବା ପରେ ବିଭିନ୍ନ ରାଜନେଅତିକ ଦଳ ସେମାନଙ୍କ ପ୍ରାର୍ଥୀ ତାଲିକା ଘୋଷଣା କରୁଛନ୍ତି । ଏହି କ୍ରମରେ ବିଜେପି ତୃତୀୟ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଛି । ଏଥିରେ ୯ ଜଣଙ୍କ ନାଁ ରହିଛି ।
ତୃତୀୟ ପର୍ଯ୍ୟାୟରେ ବିଜେପି ୯ଟି ଆସନ ପାଇଁ ପ୍ରାର୍ଥୀଙ୍କ ନାଁ ଘୋଷଣା କରିଛି । ସମସ୍ତ ପ୍ରାର୍ଥୀ ତାମିଲନାଡୁ ପାଇଁ ଘୋଷଣା କରାଯାଇଛି । ଚେନ୍ନାଇ ସାଉଥ ପାଇଁ ବିଜେପି ତାମିଲ ସାଇ ସୁନ୍ଦରରାଜନଙ୍କ ନାଁ ଘୋଷଣା କରିଛି । ତେଲଙ୍ଗାନା ରାଜ୍ୟପାଳ ପଦରୁ ଇସ୍ତଫା ଦେଇଥିଲେ ତାମିଲ ସାଇ ସୁନ୍ଦରରାଜନ । ଚେନ୍ନାଇ ସେଣ୍ଟ୍ରାଲ ପାଇଁ ବିନୋଜ ପି. ସେଲଭାମ, ଭେଲ୍ଲୋର ପାଇଁ ଏ.ସି. ଶନମୁଗମ, କ୍ରିଷ୍ଣଗିରି ପାଇଁ ସି. ନରସିଂହମ, ନୀଳଗିରି ପାଇଁ ଏଲ. ମୁରୁଗନ୍, କୋୟମ୍ବଟୁରୁ ପାଇଁ କେ. ଅନ୍ନାମଲାଇ, ପରମବଲୁର ପାଇଁ ଟି.ଆର. ପାରିଓ୍ବେନଧର, ଥୋଥୁକ୍କୁଡି ପାଇଁ ନୋନର ନାଗେନ୍ଦ୍ରନ ଏବଂ କନ୍ୟାକୁମାରୀ ପାଇଁ ପାଓ୍ବନ ରାଧାକୃଷ୍ଣନଙ୍କ ନାଁ ଘୋଷଣା କରାଯାଇଛି ।
ସୂଚନାଯୋଗ୍ୟ, ପ୍ରଥମ ପର୍ଯ୍ୟାୟରେ ବିଜେପି ୧୯୫ ଜଣ ପ୍ରାର୍ଥୀଙ୍କ ନାଁ ଘୋଷଣା କରିଥିବା ବେଳେ ଦ୍ବିତୀୟ ପର୍ଯ୍ୟାୟରେ ୭୨ ପ୍ରାର୍ଥୀଙ୍କ ନାଁ ଘୋଷଣା କରିଥିଲା ।
