ଦ୍ବିତୀୟ ପର୍ଯ୍ୟାୟ ନିର୍ବାଚନ ଲାଗି ଜମୁଛି କ୍ଯାମ୍ପେନ, ୧୨ଶହ ପ୍ରାର୍ଥୀଙ୍କ ଭାଗ୍ଯ ପରୀକ୍ଷା

ବ୍ୟୁରୋ ରିପୋର୍ଟ: ପ୍ରଥମ ପର୍ଯ୍ୟାୟ ନିର୍ବାଚନ ଲାଗି ପ୍ରଚାର ଜୋରଦାର ଚାଲିଥିବା ବେଳେ ଦ୍ବିତୀୟ ପର୍ଯ୍ୟାୟ ନିର୍ବାଚନ ଲାଗି ଜମୁଛି କ୍ଯାମ୍ପେନ। ପ୍ରଥମ ପର୍ଯ୍ୟାୟ ନିର୍ବାଚନ ଏପ୍ରିଲ ୧୯ ଓ ଦ୍ବିତୀୟ ପର୍ଯ୍ୟାୟ ନିର୍ବାଚନ ଏପ୍ରିଲ ୨୬ରେ ହେବ। ଦ୍ବିତୀୟ ପର୍ଯ୍ୟାୟରେ ୧୩ ରାଜ୍ଯର ୮୯ଟି ଆସନ ଲାଗି ହେବ ଭୋଟ। ମୋଟ ୧୨୦୦ ପ୍ରାର୍ଥୀ କରୁଛନ୍ତି ଭାଗ୍ଯ ପରୀକ୍ଷା। କେରଳର କନ୍ନୁର, ଓ୍ବାୟନାଡ, କୋଝିକୋଡ, ତ୍ରଶୂର, ଥିରୁବନନ୍ତପୁରମର ୨୦ଟି ଆସନରେ ହେବ ଭୋଟ। କର୍ଣ୍ଣାଟକର ବେଙ୍ଗାଳୁରୁ, ଚିତ୍ରଦୁର୍ଗ, ହାସନ, ମହୀଶୂର ସମେତ ୧୪ଟି ଆସନରେ ହେବ ଭୋଟ ।
ସେହିପରି ରାଜସ୍ଥାନର ବିକାନିର, ଜୟପୁର, ଅଲଓ୍ବର ସମେତ ୧୩ଟି ଆସନରେ ହେବ ନିର୍ବାଚନ। ମହାରାଷ୍ଟ୍ରର ୮, ଉତ୍ତରପ୍ରଦେଶର ୮, ମଧ୍ୟପ୍ରଦେଶର ୭, ଆସାମର ୫, ବିହାରର ୫, ଛତିଶଗଡର ୩, ପଶ୍ଚିମବଙ୍ଗର ୩, ଜାମ୍ମୁ ଓ କାଶ୍ମୀରର ଗୋଟିଏ, ମଣିପୁରର ଗୋଟିଏ, ତ୍ରିପୁରାର ଗୋଟିଏ ଆସନରେ ହେବ ଭୋଟ। ସପ୍ତଦଶ ଲୋକସଭାର କାର୍ଯ୍ୟକାଳ ଆସନ୍ତା ୧୬ ଜୁନରେ ଶେଷ ହେବ।