ନାମାଙ୍କନ ଦାଖଲ କରିବେ ବରିଷ୍ଠ କଂଗ୍ରେସ ନେତା ରାହୁଲ ଗାନ୍ଧୀ
ନୂଆଦିଲ୍ଲୀ: ରାହୁଲଙ୍କ ମହା ରାଲି। କେରଳ ୱାୟନାଡ ଆସନରୁ ଆଜି ନାମାଙ୍କନ ଦାଖଲ କରିବେ କଂଗ୍ରେସର ବରିଷ୍ଠ ନେତା ରାହୁଲ ଗାନ୍ଧୀ। ନାମାଙ୍କନ ଦାଖଲ କରିବା ପୂର୍ବରୁ ରାହୁଲ ଗାନ୍ଧୀ ରୋଡ୍ ସୋ କରିବେ। ରାହୁଲଙ୍କ ସହ ଭଉଣୀ ପ୍ରିୟଙ୍କା ଗାନ୍ଧୀ ମଧ୍ୟ ସାମିଲ ଅଛନ୍ତି।
ୱାୟନାଡରେ ବିଶାଳ ରାଲିରେ ବାହାରିଛନ୍ତି ରାହୁଲ। ହଜାର ହଜାର ସଂଖ୍ଯାରେ ସମର୍ଥକ ରାହୁଲଙ୍କ ସାଥିରେ ନାମାଙ୍କନ ରାଲିରେ ଚାଲିଛନ୍ତି। ରାହୁଲଙ୍କ ବିରୋଧରେ ସିପିଆଇରୁ ଆନି ରାଜା ପ୍ରତିନ୍ଦ୍ବନ୍ଦିତା କରିବେ। ସେହିପରି ବିଜେପିର କେ. ସୁରେନ୍ଦ୍ରନ ରାହୁଲ ବିପକ୍ଷରେ ବିଜେପିରୁ ପ୍ରାର୍ଥୀ ହୋଇଛନ୍ତି। ତେବେ ଏହି ତିନି ଜଣ ଶକ୍ତିଶାଳୀ ନେତା ହୋଇଥିବାରୁ ଏହି ଆସନରେ କଡ଼ା ଟକ୍କର ହେବ ବୋଲି ଅନୁମାନ କରାଯାଉଛି ।
