ସୁନ୍ଦରଗଡ଼: ଛତିଶଗଡ଼ କୋରିଆ ଜିଲ୍ଲାରେ ପଙ୍ଗପାଳ ପଶିବା ପରେ ଛତିଶଗଡ଼ ସୀମାକୁ ଲାଗିରହିଥିବା ସୁନ୍ଦରଗଡ଼ଜିଲ୍ଲାର ବିଭିନ୍ନ ଅଞ୍ଚଳରେ ହାଇଆଲର୍ଟ ଜାରିକରିଛି କୃଷି ବିଭାଗ। ତେବେ ଆଜି ସୁନ୍ଦରଗଡ଼ର ହେମଗିରି ବ୍ଲକର ଘୋଘରପାଲି ନିକଟସ୍ଥ ଜଙ୍ଗଲରେ ହଜାର ହଜାର ସଂଖ୍ୟାରେ ପଙ୍ଗପାଳ ପରି ଦିଶୁଥିବା ପୋକକୁ ଦେଖି ଲୋକେ ଆତଙ୍କିତ ହୋଇ ପଡିଛନ୍ତି।
ଅରଖ, ବର ଓ ଅନ୍ୟାନ୍ୟ ଗଛର ପତ୍ର ଖାଇ ଗଛକୁ ଲଣ୍ଡା କରିଦେଉଥିବା ଦେଖି ସ୍ଥାନୀୟ ଲୋକେ କୃଷି ବିଭାଗକୁ ଖବର ଦେବାପରେ ଜିଲା କୃଷି ଅଧିକାରୀଙ୍କ ନେତୃତ୍ୱରେ ଏକ ସ୍ୱତନ୍ତ୍ର ଟିମ ଆସି କୀଟକୁ ଅନୁଧ୍ୟାନ କରିଛନ୍ତି। ଏହାଛଡା କିଛି କିଟଙ୍କୁ ପରୀକ୍ଷାପାଇଁ OUAT ପଠାଯିବବୋଲି ସୂଚନା ଦେଇଛନ୍ତି କୃଷି ବିଜ୍ଞାନ କେନ୍ଦ୍ରର ବରିଷ୍ଠ ବୈଜ୍ଞାନିକ ଲଷ୍ମୀପ୍ରିୟା ପ୍ରଧାନ।
