ଭୁବନେଶ୍ୱର: ଓଡ଼ିଶା ମୁହାଁ ପଙ୍ଗପାଳ । ଛତିଶଗଡ଼ରେ ପଙ୍ଗପାଳ ପହଞ୍ଚିବା ପରେ ଏବେ ଓଡିଶା ପ୍ରବେଶ କରିବା ଆଶଙ୍କା ରହିଛି । ଗୁରୁବାର ମଧ୍ୟରାତ୍ରୀ ସୁଦ୍ଧା ପଶ୍ଚିମ ଓଡ଼ିଶାକୁ ପ୍ରବେଶ କରିବାର ସମ୍ଭାବନା ରହିଛି। ସୁନ୍ଦରଗଡ଼, ବରଗଡ଼, ବଲାଙ୍ଗୀର, କଳାହାଣ୍ଡି, ନୂଆପଡ଼ା ପରି ପଶ୍ଚିମ ଓଡ଼ିଶାର କିଛି ଜିଲ୍ଲାକୁ ପ୍ରବେଶ କରି ଫସଲ, ପନିପରିବା, ଫଳମୂଳ ଧ୍ୱଂସ କରି ପାରନ୍ତି ପଙ୍ଗପାଳ। ଛତିଶଗଡ଼ରେ ଏହି ପଙ୍ଗପାଳ ଆତଙ୍କ ସୃଷ୍ଟି କରିଥିବା ବେଳେ ଓଡ଼ିଶା ଠାରୁ ମାତ୍ର ୫୧୦ କିଲୋମିଟର ଦୂରରେ ରହିଛନ୍ତି।
୧୦୦ ସ୍ପିଡ୍ରେ ଓଡ଼ିଶା ଆସୁଛନ୍ତି ପଙ୍ଗପାଳ, ପଶ୍ଚିମ ଓଡ଼ିଶା ଆଲର୍ଟ…
କ୍ଷମତା ଅନୁସାରେ ଦିନକୁ ୧୦୦ ରୁ ୧୫୦ କିଲୋମିଟର ବେଗରେ ଉଡ଼ିଲେ ଏମାନେ ଗୁରୁବାର ମଧ୍ୟରାତ୍ରୀ ସୁଦ୍ଧା ଓଡ଼ିଶା ସୀମାରେ ପ୍ରବେଶ କରିବେ । ସେପଟେ ପଙ୍ଗପାଳଙ୍କ ପ୍ରବେଶକୁ ନେଇ ରାଜ୍ୟ ସରକାରଙ୍କ ପକ୍ଷରୁ ଆଗୁଆ ସତର୍କତା ଗ୍ରହଣ କରାଯାଇଛି । ବରିଷ୍ଠ ଅଧିକାରୀଙ୍କ ତତ୍ତ୍ଵ।ବଧାନରେ ପ୍ରତ୍ୟେକ ଜିଲ୍ଲା ପାଇଁ ଜାରି ହୋଇଛି ଏସ୍ଓପି। ସଚେତନ କରିବାକୁ ୬.୫ ଲକ୍ଷ ଚାଷୀଙ୍କୁ ହ୍ଵାଟସ୍ଆପ୍ ଗ୍ରୁପରେ ଯୋଡ଼ା ଯାଇଛି। ଏଥିସହ କେନ୍ଦ୍ର ସରକାରଙ୍କ ବୈଷୟିକ ଟିମ୍ ଠାରୁ ପରାମର୍ଶ ନେଉଛି କୃଷି ବିଭାଗ।
