ମାନବୀକତାର ହତ୍ୟା: ସ୍ତ୍ରୀର ଚିକିତ୍ସା ପାସ ବାହାର କରି ତମ୍ବାଖୁ ବିକୁଥିଲେ,ତା’ପରେ କଣ ହେଲା ଜାଣନ୍ତୁ

ଭୋପାଳ: କରୋନାର ବିନାଶ ପାଇଁ ସବୁ ପ୍ରକାର ପ୍ରୟାସ କରୁଛନ୍ତି ରାଜ୍ୟ ଓ କେନ୍ଦ୍ର ସରକାର । ଏନେଇ ପୂରା ଦେଶରେ ଲକଡାଉନ କରାଯାଇଛି । ଏହାସହ ଗୁଟଖା, ତମ୍ବାଖୁ ଏବଂ ଅନ୍ୟାନ୍ୟ ନିଶା ଦ୍ରବ୍ୟଗୁଡ଼ିକର ବିକ୍ରି ଉପରେ ମଧ୍ୟ ରୋକ ଲାଗିଛି । କିନ୍ତୁ କିଛି ଲୋକ ଏମିତି ମଧ୍ୟ ଅଛନ୍ତି ଯେଉଁମାନେ ମିଛସତ କହି ଏହି ଦ୍ରବ୍ୟ ଗୁଡ଼ିକୁ ଏବେ ବି ବିକ୍ରି କରୁଛନ୍ତି ।

ଏହିପରି ଏକ ଘଟଣା ମଧ୍ୟପ୍ରଦେଶର ରାଜଧାନୀ ଭୋପାଳରୁ ଆସିଛି । ଯେଉଁଠାରେ ତମ୍ବାଖୁ ଭଳି ଦ୍ରବ୍ୟ ଗୁଡ଼ିକୁ ଜଣେ ବ୍ୟକ୍ତି ବିକିବାର ଘଟଣା ସାମ୍ନାକୁ ଆସିଛି  ଏବଂ ଉକ୍ତ ବ୍ୟକ୍ତିଙ୍କୁ ଗିରଫ ମଧ୍ୟ କରାଯାଇଛି । ଭୋପାଳର ଚୁନାଭାଟ୍ଟୀ ଅଞ୍ଚଳର ପୋଲିସ କହିଛି ଯେ, ଏହି ତମ୍ବାଖୁ ବେପାରୀଙ୍କ ସ୍ତ୍ରୀଙ୍କ ଦେହ ଅସୁସ୍ଥଥିବାରୁ ସେ ହସପିଟାଲରେ ଚିକିତ୍ସିତ ହେଉଛନ୍ତି । ତେଣୁ ଉକ୍ତ ବେପାରୀଙ୍କୁ ରାଜଧାନୀ ଯିବା ଆସିବାକୁ ପାସ ଦିଆଯାଇଛି । କିନ୍ତୁ ଏହି ବ୍ୟକ୍ତି ଜଣଙ୍କ ତମ୍ବାଖୁ ବିକ୍ରି କରିବାରେ ଏହି ପାସ୍ ବ୍ୟବହାର କରୁଥିଲା । ସେ କାରରେ ତମ୍ବାଖୁ , ଗୁଟଖା, ପାନ ମସଲା ଆଦି ନେଇ ରାସ୍ତାରେ ଅଧିକ ଦାମରେ ବକ୍ରି କରୁଥିଲା ।

ଡିଏସପି ଋଚା ଜୈନ୍ କହିଛନ୍ତି ଯେ, ଗିରଫ ବ୍ୟବାସାୟୀଙ୍କ ନାଁ ରାଧାବଲ୍ଲଭ ଅଗ୍ରୱାଲ । ଏବଂ ସେ ଏହା ମଧ୍ୟ କହିଛନ୍ତି ଯେ, ରାଧାବଲ୍ଲଭଙ୍କ ବିରୋଧରେ ଲକଡାଉନ୍ ନିୟମର ଉଲଂଘନ ଏବଂ ତମ୍ବାଖୁ ଉତ୍ପାଦ ଅଧିନିୟମ ଅନ୍ତର୍ଗତ ମାମଲା ରୁଜୁ କରାଯାଇଛି ।

ଏମିତି ଆଉ ଏକ ମାମଲା ଏମପି ନଗରରେ ମଧ୍ୟ ସାମ୍ନାକୁ ଆସିଛି । ଯେଉଁଠାରେ ବେପାରୀ ଲିଲ୍ଲି ଗୁପ୍ତା, ନିଜ ରାସନ ଦୋକାନରେ ପାନ ମସଲା ଏବଂ ସିଗାରେଟ୍ ଭଳି ନିଶା ଦ୍ରବ୍ୟ ବିକୁଥିବାର ଦେଖାଯାଇଛି । ପୋଲିସ ତାଙ୍କ ଉପରେ ମଧ୍ୟ ତମ୍ବାକୁ ଉତ୍ପାଦ ଅଧିନିୟମ ଅନୁସାରେ ମାମଲା ରୁଜୁ କରାଯାଇଛି । ତେବେ ରାଜଧାନୀରେ ୨୨ମାର୍ଚ୍ଚରୁ ଏପର୍ଯ୍ୟନ୍ତ ଲକଡାଉନ୍ ଉଲଘଂନର ୨୪୫୬ଟି ମାମଲା ରୁଜୁ ହୋଇଛି ।