ଫ୍ରାନ୍ସକୁ ପୁଣି ଫେରିଲା ଲକଡାଉନ୍

ନୂଆଦିଲ୍ଲୀ: ମାଡୁଛି ମହାମାରୀ । ଫ୍ରାନ୍ସକୁ ପୁଣି ଫେରିଲା ଲକଡାଉନ୍ । କରୋନା ଥାର୍ଡ ଓ୍ବେଭ ଯୋଗୁ ବଢୁଛି ସଂକ୍ରମଣ । ଆଗାମୀ ମାସେ ଯାଏ ଲକଡାଉନ୍ ଘୋଷଣା କଲେ ପ୍ରାନ୍ସ ସରକାର । ଫ୍ରାନ୍ସର ୧୬ ଅଞ୍ଚଳରେ ଆଜିଠାରୁ ଏକ ମାସ ପର୍ଯ୍ୟନ୍ତ ଲକଡାଉନ ଘୋଷଣା କରିଛନ୍ତି ଫ୍ରାନ୍ସ ପ୍ରଧାନମନ୍ତ୍ରୀ ଜେନ୍ କାସଟେକ୍ସ । କରୋନା ସଂକ୍ରମଣ ଦିନକୁ ଦିନ ବଢୁଥିବାରୁ ଫ୍ରାନ୍ସର ପ୍ୟାରିସ ଓ ଏହାର ଆଖପାଖ ଅଞ୍ଚଳରେ କଟକଣା କଡ଼ାକଡ଼ି କରାଯାଇଛି । ଆଜି ମଧ୍ୟରାତ୍ରୀରୁ କଟକଣା ଲାଗୁହେବ । ସନ୍ଧ୍ୟା ୭ଟାରୁ ରାତ୍ରିକାଳୀନ କର୍ଫ୍ୟୁ ଜାରି କରାଯିବ । ଏହି ସମୟରେ କେବଳ ଜରୁରିକାଳୀନ ସେବାକୁ ଅନୁମତି ଦିଆଯାଇଛି । ଏହାଛଡ଼ା ମାସ୍କ ପିନ୍ଧିବାକୁ ବାଧ୍ୟତାମୂଳକ କରାଯିବା ସହ ସାମାଜିକ ଦୂରତା ରକ୍ଷା କରିବାକୁ ନିର୍ଦ୍ଦେଶ ଦିଆଯାଇଛି । ଏହାଛଡ଼ା ଲକଡାଉନ ସମୟରେ କୌଣସି ସ୍ଥାନରେ ଲୋକମାନେ ଏକାଠି ନ ହେବାକୁ କୁହାଯାଇଛି । ଏହି ସମୟରେ ଲୋକମାନଙ୍କୁ ଘରଠାରୁ ୧୦ କିମିରୁ ଅଧିକ ଦୂର ଯିବାକୁ ବାରଣ କରାଯାଇଥିବା ବେଳେ ସ୍କୁଲ, ୟୁନିଭରସିଟି ଖୋଲାରହିବ ବୋଲି ନିର୍ଦ୍ଦେଶ ଜାରି ହୋଇଛି ।