ଅବ୍ୟବସ୍ଥା ଘେରରେ ଶୌଚାଳୟ

ଝାରସୁଗୁଡ଼ା: ଶୌଚାଳୟରେ ପଡିଛି ତାଲା । ବ୍ରଜରାଜନଗର ପୌରପରିଷଦ ପକ୍ଷରୁ ୨୩ଟି ୱାର୍ଡରେ ୩୫ଟି କମ୍ୟୁନିଟି ଏବଂ ପବ୍ଲିକ ଟଏଲେଟ ନିର୍ମାଣ ହୋଇଥିଲା। ସେଥିରୁ ବହୁ ଟଏଲେଟରେ ପାଣି ଯାଉନି। ୨୦୧୯ ମସିହାରୁ ଏହି ଶୌଚାଳୟଗୁଡିକ ନିର୍ମାଣ ହୋଇଥିଲା। କିନ୍ତୁ ଅଧାରୁ ଅଧିକ ଶୌଚାଳୟ ଏବେ ବି କାର୍ଯ୍ୟକ୍ଷମ ହୋଇପାରିନାହିଁ  । କେଉଁଠି ଶୌଚାଳୟର କବାଟ ଭାଙ୍ଗି ଗଲାଣି ତ କିଛି ଶୌଚାଳୟ ଉପରେ ଥିବା ପାଣି ଟାଙ୍କି ଅଚଳ ହୋଇଗଲାଣି। ଆସନ୍ତୋଷ ଲୋକେ ।

ଅବ୍ୟବସ୍ଥା ଘେରରେ ଶୌଚାଳୟ । ବ୍ରଜରାଜନଗର ପୌରପରିଷଦ ପକ୍ଷରୁ ୨୩ ଟି ୱାର୍ଡରେ ୩୫ଟି କମ୍ୟୁନିଟି ଏବଂ ପବ୍ଲିକ ଟଏଲେଟ ନିର୍ମାଣ ହୋଇଛି। ଦେଢ଼ କୋଟିରୁ ଉର୍ଦ୍ଧ୍ବ ଟଙ୍କା ଖର୍ଚ୍ଚରେ ନିର୍ମାଣ ହୋଇଥିବା ବହୁ ଟଏଲେଟରେ ପଡିଛି ତାଲା। ୨୦୧୯ ମସିହାରୁ ଏହି ଶୌଚାଳୟଗୁଡିକ ନିର୍ମାଣ ହୋଇଥିଲା। କିନ୍ତୁ ଅଧାରୁ ଅଧିକ ଶୌଚାଳୟ ଏବେ ବି କାର୍ଯ୍ୟକ୍ଷମ ହୋଇପାରିନାହିଁ । ୪ ବର୍ଷ ହେଲାଣି ବ୍ୟବହାର ହେଉନଥିବାରୁ କିଛି ଶୌଚାଳୟର କବାଟ ଭାଙ୍ଗି ଗଲାଣି ତ କିଛି ଶୌଚାଳୟ ଉପରେ ଥିବା ପାଣି ଟାଙ୍କି ଅଚଳ ହୋଇଗଲାଣି । ଆଉ କିଛି ସ୍ଥାନରେ ଶୌଚାଳୟର ପ୍ୟାନ ମଧ୍ୟ ଭାଙ୍ଗିଯାଇଛି । ଅନେକ ସ୍ଥାନରେ ଶୌଚାଳୟ ଚାରିପଟେ ଅନାବନା ଗଛ ଲତା ହୋଇଯାଇଥିବାରୁ ସେଠାକୁ ଯିବାକୁ ଲୋକ ଭୟ କରୁଛନ୍ତି ।

ନିର୍ମାଣ ହୋଇଥିବା ୩୫ଟି କମ୍ୟୁନିଟି ଏବଂ ପବ୍ଲିକ ଟଏଲେଟରୁ ୨୪ ଟି ବନ୍ଦ ରହିଛି  । କେବଳ ୧୧ ଟି ବର୍ତ୍ତମାନ କାର୍ଯ୍ୟକ୍ଷମ ରହିଛି  । ୨୪ ଟି  ଟଏଲେଟରେ ପାଣି ସଂଯୋଗ ହୋଇନଥିବାରୁ  କାର୍ଯ୍ୟକ୍ଷମ ହୋଇପାରି ନାହିଁ  ।  ଏହାସହ ପରିମଳ ବ୍ୟବସ୍ଥାକୁ ବ୍ରଜରାଜନଗର ପୌର କର୍ତ୍ତୃପକ୍ଷ ଗୁରୁତ୍ୱର ସହ ନେଉନଥିବାରୁ ଶୌଚାଳୟ ଗୁଡିକୁ କାର୍ଯ୍ୟକ୍ଷମ ହୋଇପାରୁନଥିବା ଲୋକେ ଅଭିଯୋଗ କରିଛନ୍ତି । ତେବେ ଭାଙ୍ଗି ଯାଇଥିବା ଶୌଚାଳୟଗୁଡିକର ମରାମତି  ଶୀଘ୍ର କରାଯିବ ବୋଲି ପୌର କାର୍ଯ୍ୟ ନିର୍ବାହୀ ଅଧିକାରି କହିଛନ୍ତି ।