ଲକଡାଉନ୍ 3.0 : ମଦ,ପାନ ଦୋକାନ ଖୋଲିବ କିନ୍ତୁ ମାନିବାକୁ ପଡିବ ଏହି ସର୍ତ୍ତ
ନୂଆଦିଲ୍ଲୀ: କରୋନା ସଂକଟର ମୁକାବିଲା ପାଇଁ ଦେଶରେ ଲକଡାଉନ୍ ଜାରି ରହିଛି । କେନ୍ଦ୍ର ସରକାର ଦ୍ୱିତୀୟ ପର୍ଯ୍ୟାୟ ଲକଡାଉନ ସରିବାର ଦୁଇ ଦିନ ଆଗରୁ ଏହାକୁ ୧୭ ତାରିଖ ପର୍ଯ୍ୟନ୍ତ ବଢାଇ ଦେଇଛନ୍ତି । ତେବେ ଦେଶକୁ ଗ୍ରୀନ,ରେଡ୍ ଓ ଅରେଞ୍ଜ ଏଭଳି ତିନୋଟି ଜୋନରେ ବିଭକ୍ତ କରିଛନ୍ତି । ଗ୍ରୀନ ଜୋନରେ କିଛି ସର୍ତ୍ତ ସହ ରିହାତି ମିଳିଛି । ଅନ୍ୟପକ୍ଷରେ କିଛି ରିହାତି ସହ କେବଳ ଗ୍ରୀନ୍ ଜୋନରେ ମଦ ଓ ପାନ ଦୋକାନ ଖୋଲିବାକୁ ସରକାରଙ୍କ ଅନୁମତି । ଏହାସହ କେବଳ ମଦ ଦୋକାନରେ ହିଁ ମଦ ବିକ୍ରି ହୋଇପାରିବ । ପବ୍ ଓ ବାର ବନ୍ଦ ରହିବ । ସାମାଜିକ ଦୂରତ୍ୱ ରକ୍ଷା ସହ ମଦ ବିକ୍ରି କରିପାରିବେ ଦୋକାନୀ । ଦୋକାନ ଆଗରେ ଏକାସମୟରେ ୫ ଜଣଙ୍କ ଠାରୁ ଅଧିକ ଗ୍ରାହକ ରହିପାରିବେନାହିଁ ।
ତେବେ ବିମାନ, ମେଟ୍ରୋ, ଟ୍ରେନ୍, ସ୍କୁଲ କଲେଜ, ସିନେମା ହଲ୍, ମାର୍କେଟ କମ୍ଳେକ୍ସ, ଜିମ୍ ଓ ଧର୍ମାନୁଷ୍ଠାନରେ ସାଧାରଣ ଦର୍ଶନ ୩ଟି ଯାକ ଜୋନ୍ରେ ବନ୍ଦ ରହିବ ।
