ଦାମୀ ମଦ ସହ ଲୁଟିନେଲେ ନଗଦ ଟଙ୍କା, ସିସିଟିଭିରେ କଏଦ ହେଲା ସେ ସମୟର ଦୃଶ୍ୟ

ଭୁବନେଶ୍ୱର: ତାଲା ଭାଙ୍ଗି ଲୁଟିନେଲେ ଦାମୀ ମଦ ସହ ନଗଦ ଟଙ୍କା । ସୁନା ଦୋକାନ ପରେ ଏବେ ମଦ ଦୋକାନରୁ ଲୁଟ୍ ହୋଇଛି ।  ଦିନକୁ ଦିନ ଚୋରଙ୍କ ଆଡାସ୍ଥଳୀ ପାଲଟାଲିଗଲାଣି ରାଜଧାନୀ । ରାତିପାହିଲେ ଲୁଟପାଟ୍ ଖବର ଭୟବିତ କରୁଛି । ଲୁଟେରାଙ୍କ ଗତିବିଧି ଘରୁ ବାହାରିବା ବି ମୁସକିଲ କରି ଦେଉଛି । ଛକଛକରେ ଛକି ବସୁଛନ୍ତି ଏମାନେ କେଉଁଠି କେମିତି ସୁଯୋଗ ମିଳିଲେ କେତେବେଳେ ସୁନା ଚେନ ଲୁଟୁଛନ୍ତି ତ କେତେବେଳେ ଦୋକାନ ।

ରାଜଧାନୀରେ ସକ୍ରିୟ ହୋଇପଡ଼ିଛନ୍ତି ଲୁଟେରା । ମଦ ଦୋକାନରୁ ଦାମୀ ମଦ ସହ ତାଲା ଭାଙ୍ଗି ଲୁଟିଲେ ୫ଲକ୍ଷ ୪୮ହଜାର ଟଙ୍କା । ଲୁହା ରଡ ସାହାଯ୍ୟରେ ଦୋକାନ ତାଡ଼ି ଲୁଟ ହୋଇଥିବା ସୂଚନା ମିଳିଛି । ସିସିଟିଭିରେ କଏଦ  ହୋଇଛି ଲୁଟର ଦୃଶ୍ୟ । ଲୁଟେରା ହାପ ପ୍ୟାଣ୍ଟ ପିନ୍ଧିଥିଲା, ମୁଣ୍ଡରେ ହେଲମେଣ୍ଟ ପିନ୍ଧିଥିଲା । ନୟାପଲ୍ଲୀ ଥାନା ପୋଲିସ ତଦନ୍ତ ଆରମ୍ଭ କରିଛି ।