କରୋନାରେ ଆକ୍ରାନ୍ତ ହେଲେ ମେସିଙ୍କ ସହ ୩ PSG ଫୁଟବଲର

ପ୍ୟାରିସ୍: ଆର୍ଜେଣ୍ଟିନାର ତାରକା ଫୁଟବଲର ତଥା ପ୍ୟାରିସ୍ ସେଣ୍ଟ ଜର୍ମାନ ଫୁଟବଲ କ୍ଲବର ତାରକା ଫରଓ୍ୱାର୍ଡ ଲିଓନାଲ ମେସି କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏନେଇ ରବିବାର PSG ଟ୍ୱିଟ କରି ସୂଚନା ଦେଇଛି । ମେସିଙ୍କ ସହ ଆଉ ତିନି ଜଣ ଖେଳାଳି ମଧ୍ୟ କରୋନାରେ ଆକ୍ରାନ୍ତ ହୋଇଛନ୍ତି । ସେମାନେ ହେଉଛନ୍ତି ଡିଫେଣ୍ଡର ଡିଫେଣ୍ଡର ଜୁଆନ୍ ବର୍ନାଟ୍, ବ୍ୟାକ୍ ଅପ୍ ଗୋଲକିପର ସର୍ଜିଓ ରିକୋ ଏବଂ ମିଡଫିଲ୍ଡର ନାଥାନ୍ ବିଟୁମାଜାଲା । ତେବେ କରୋନା ପଜିଟିଭ୍ ହୋଇଥିବା ଏହି ଚାରି ଜଣ ଫୁଟବଲର ବର୍ତ୍ତମାନ କ୍ୱାରେଣ୍ଟାଇନରେ ଏବଂ ଉପଯୁକ୍ତ ସ୍ୱାସ୍ଥ୍ୟ ପ୍ରୋଟୋକଲରେ ଅଛନ୍ତି ବୋଲି PSG ଏକ ପ୍ରେସ ବିବୃତ୍ତିରେ କହିଛି ।

Medical update ?@Aspetar

— Paris Saint-Germain (@PSG_English) January 2, 2022

Lionel Messi is among four players in the Paris Saint-Germain squad to have tested positive for the coronavirus ahead of the team's French Cup game

(File photo) pic.twitter.com/fZ4oMgVXcp

— ANI (@ANI) January 2, 2022

ଆର୍ଜେଣ୍ଟିନାର ତାରକା ଫୁଟବଲର ଲିଓନାଲ ମେସି ୨୦୨୧ ମସିହା ଅଗଷ୍ଟ ମାସରେ ବାର୍ସିଲୋନା କ୍ଲବ ଛାଡି PSGରେ ଯୋଗ ଦେଇଥିଲେ । ମେସି ବାର୍ସିଲୋନା ପାଇଁ ୨୧ ବର୍ଷ ଖେଳିବା ପରେ ୨୦୨୧ ଅଗଷ୍ଟ ୫ରେ ବାର୍ସିଲୋନା କ୍ଲବ ଛାଡିଥିଲେ । ବାର୍ସିଲୋନା ପାଇଁ ମେସି ୭୭୮ଟି ମ୍ୟାଚ ଖେଳି ୬୭୨ଟି ଗୋଲ ସ୍କୋର କରିଥିଲେ । ୩୪ ବର୍ଷିୟ ମେସି PSGରେ ଏପର୍ଯ୍ୟନ୍ତ ୧୬ଟି ମ୍ୟାଚ ଖେଳି ୬ଟି ଗୋଲ ସ୍କୋର କରିଛନ୍ତି ।