ଲିଙ୍ଗରାଜ ମନ୍ଦିର ସେବାୟତଙ୍କୁ ଟିକାକରଣ, ଦିନକୁ ୫୦
1 min read
ଭୁବନେଶ୍ୱର: ଗୁରୁବାରଠାରୁ ଲିଙ୍ଗରାଜ ମନ୍ଦିର ସେବାୟତଙ୍କ ଟିକାକରଣ ଆରମ୍ଭ । ଦୈନିକ ୫୦ ଜଣ ସେବାୟତଙ୍କୁ ଟିକା ଦିଆଯିବା ନେଇ ହୋଇଛି ନିଷ୍ପତି । ସକାଳ ୧୦ଟାରୁ ଟିକାକରଣ ଆରମ୍ଭ ହେବ ବୋଲି କୁହାଯାଇଛି । ଏନେଇ ସମସ୍ତ ପ୍ରକାର ବ୍ୟବସ୍ଥା ଶେଷ ହୋଇଛି । ବିଏମସି ପକ୍ଷରୁ ନିର୍ଦ୍ଦେଶନାମା ମଧ୍ୟ ଜାରି କରାଯାଇଛି । ଲିଙ୍ଗରାଜ ମନ୍ଦିର ପାଖ ବିଏମ୍ସି ହସ୍ପିଟାଲରେ ସେବାୟତଙ୍କ ଟିକାକରଣ ହେବ ।
ତେବେ ପ୍ରାୟ ୩ ଶହ ସେବାୟତ ଟିକା ନେବାର କାର୍ଯ୍ୟକ୍ରମ ରହିଛି । ୧୬ ତାରିଖ ସୁଦ୍ଧା ଭୁବନେଶ୍ୱରରେ ୧ଲକ୍ଷ ୭ହଜାର ୬୭୮ଜଣ ଟିକାକରଣ ସରିଛି । ସେଥିମଧ୍ୟରୁ ୪୪ ହଜାର ୨୪୪ ଜଣ ସ୍ୱାସ୍ଥ୍ୟକର୍ମୀ, ୨୩ ହଜାର ୩୫୫ ଜଣ ଆଗଧାଡ଼ିର ଯୋଦ୍ଧାଙ୍କୁ ଟିକାକରଣ କରାଯାଇଛି । ଏହା ସହ ୪୦ ହଜାର ୭୯ ଜଣ ବରିଷ୍ଠ ନାଗରିକ ଓ ବିଭିନ୍ନ ରୋଗରେ ଆକ୍ରାନ୍ତ ଥିବା ବ୍ୟକ୍ତିଙ୍କୁ ଟିକା ଦିଆଯାଇଛି । ସେହିଭଳି ୩୧ଟି କେନ୍ଦ୍ରରେ ଦିଆଯାଉଛି ଟିକା । କ୍ୟାପିଟାଲ ହସ୍ପିଟାଲ ସମେତ ୪ଟି ସହରାଞ୍ଚଳ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଓ AIIMSରେ ରବିବାର ଓ ଛୁଟି ଦିବସ ବ୍ୟତୀତ ଅନ୍ୟ ସବୁଦିନ ଟୀକାକରଣ କରାଯାଉଛି ।
ସମସ୍ତ ସହରାଞ୍ଚଳ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ସୋମବାର, ଗୁରୁବାର ଓ ଶନିବାର ଟିକାକରଣ କରାଯାଉଛି । ଏନେଇ ବିଏମସି କମିଶନର ପ୍ରେମ ଚନ୍ଦ୍ର ଚୌଧରୀ ସୂଚନା ଦେଇଛନ୍ତି ।
