ଅପରାଜିତାଙ୍କ ପ୍ରାର୍ଥିତ୍ବକୁ ଲିଙ୍ଗରାଜ ମନ୍ଦିର ସେବାୟତଙ୍କ ବିରୋଧ

ଭୁବନେଶ୍ବର: ବିଜେପିର ଭୁବନେଶ୍ବର ସାଂସଦ ପ୍ରାର୍ଥୀ ଅପରାଜିତା ଷଡ଼ଙ୍ଗୀଙ୍କୁ ବିରୋଧ । ଏହି ବିରୋଧ କରିଛନ୍ତି ଲିଙ୍ଗରାଜ ମନ୍ଦିର ସେବାୟତ । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପାଖରେ ଅପରାଜିତାଙ୍କ ବିରୋଧରେ ହୋଇଛନ୍ତି ଫେରାଦ ।

ମହାପ୍ରଭୁ ଲିଙ୍ଗରାଜଙ୍କ ସେବାୟତ କହିଛନ୍ତି, ‘ଲିଙ୍ଗରାଜ ମନ୍ଦିର ପ୍ରତି ଅପରାଜିତାଙ୍କ କୌଣସି ଅବଦାନ ନାହିଁ । ଲିଙ୍ଗରାଜକୁ ନେଇ ଭୁବନେଶ୍ବର ପରିଚିତ । କିନ୍ତୁ ଲିଙ୍ଗରାଜ ମନ୍ଦିର ଓ ଏହାର ସେବାୟତଙ୍କ ଉନ୍ନତି ପାଇଁ ସେ ଆଦୌ ଚେଷ୍ଟା କରୁନାହାଁନ୍ତି । ଲୋକସଭାରେ ଲିଙ୍ଗରାଜ ମନ୍ଦିର ଆଇନକୁ ସେ ବିରୋଧ କରିଛନ୍ତି । ଖୋଦ ମୁଖ୍ୟମନ୍ତ୍ରୀ ଶ୍ରୀମନ୍ଦିର ଭଳି ଲିଙ୍ଗରାଜ ମନ୍ଦିର ପାଇଁ ସ୍ବତନ୍ତ୍ର ଆଇନ ଆସିବ ବୋଲି ଘୋଷଣା କରିଥିଲେ । ଏହି ଆଇନ ରାଜ୍ୟସଭାରେ ପାରିତ ହେଲା, କିନ୍ତୁ ଲୋକସଭାରେ ଅପରାଜିତା ଏହାକୁ ବିରୋଧ କଲେ । ଲିଙ୍ଗରାଜ ମନ୍ଦିର ପାଇଁ ଆଇନର ଆବଶ୍ୟକତା ନାହିଁ ବୋଲି କହୁଛନ୍ତି । ଯଦି ଲିଙ୍ଗରାଜ ମନ୍ଦିର ପାଇଁ ତାଙ୍କର କୌଣସି ଅବଦାନ ନାହିଁ, ସେ କାହିଁକି ପ୍ରାର୍ଥୀ ହେବେ ।’