ରାଜ୍ୟର ବିଭିନ୍ନ ସ୍ଥାନରେ ବଜ୍ରାଘାତ ; ୮ ଜଣଙ୍କ ମୃତ୍ୟୁ, ୩ଜଣ ଗୁରୁତର

ଭୁବନେଶ୍ବର: ବଜ୍ରପାତ ନେଲା ୮ ଜୀବନ। ରାଜ୍ୟର ବିଭିନ୍ନ ସ୍ଥାନରେ ବଜ୍ରାଘାତରେ ୮ ଜଣଙ୍କର ମୃତ୍ୟୁ ହୋଇଛି । କୋରାପୁଟ ଲକ୍ଷ୍ମୀପୁର ଥାନା ପର୍ଡିଗୁଡ଼ା ଗାଁରେ ବଜ୍ରାଘାତରେ ୩ ଜଣଙ୍କ ମୃତ୍ୟୁ ହୋଇଛି। ଜେଜେମାଆ ଓ ନାତୁଣୀ ସହ ଜଣେ ମହିଳାଙ୍କ ଜୀବନ ନେଇଛି ବଜ୍ରପାତ। ବିଲରେ କାମ କରୁଥିବା ସମୟରେ ୩ ଜଣ ବଜ୍ରାଘାତର ଶିକାର ହୋଇଛନ୍ତି । ସେହିଭଳି ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ବେନୋରା ଗାଁରେ ବଜ୍ରପାତ ଘଟି ଜଣଙ୍କ ମୃତ୍ୟୁ ଘଟିଥିବାବେଳେ ଅନ୍ୟ ଜଣେ ଗୁରୁତର ହୋଇଛନ୍ତି ।

ଫଡ଼ିରେ ସୁଖା ଯାଇଥିବା ମକା ସଂଗ୍ରହ ବେଳେ ଅଘଟଣ ଘଟିଛି। ମୃତକ ସଙ୍କରଡ଼ା ଗାଁର ଲଲିତ ମାଝୀ । ଗୁରୁତର ଚୈତ୍ ରାମ ମାଝୀଙ୍କୁ ମେଡିକାଲରେ ଭର୍ତ୍ତି କରାଯାଇଛି। ସେହିଭଳି ଗଂଜାମ ଓ ଗଜପତିରେ ବଜ୍ରାଘାତରେ ୨ ଯୁବତୀଙ୍କ ପ୍ରାଣ ଯାଇଛି। ଗଞ୍ଜାମ କବିସୂର୍ଯ୍ୟନଗର ଏ ବରିଡା ଗାଁରେ ଛାତ୍ରଙ୍କ ପାଇଁ କାଳ ହୋଇଛି ବଜ୍ରପାତ। ବଜ୍ରାଘାତରେ ସପ୍ତମ ଶ୍ରେଣୀ ଛାତ୍ର ଓମ୍ ପ୍ରକାଶ ପ୍ରଧାନଙ୍କ ପ୍ରାଣ ଯାଇଛି। ଢେଙ୍କାନାଳ କାମାକ୍ଷାନଗର କୁସୁମୁଣ୍ଡିଆ ଗାଁରେ ମହିଳା ମୃତ।