କଣ୍ଟେଇପଲ୍ଲୀ ଗ୍ରୀଡରେ ବଜ୍ରପାତ, ସାରା କନ୍ଧମାଳ ଅନ୍ଧାର

ଫୁଲବାଣୀ: ରାଜୁତି କରୁଛି ଅନ୍ଧାର । ଫିରିଙ୍ଗିଆରୁ ଦାରିଙ୍ଗବାଡ଼ି, ଚକାପାଦରୁ କୋଟଗଡ଼ ଜିଲ୍ଲା ସାରା ସବୁଠି ଏକା ସ୍ଥିତି । କନ୍ଧମାଳ ଜିଲ୍ଲା ସୀମାନ୍ତ ଭଞ୍ଜନଗର କଣ୍ଟେଇପଲ୍ଲୀ ଗ୍ରୀଡରେ ବଜ୍ରାଘାତ ଯୋଗୁଁ ସମ୍ପୂର୍ଣ୍ଣ ଜିଲ୍ଲାରେ ବିଦ୍ୟୁତ ସରବରାହ ବନ୍ଦ ରହିଛି ।

ସୂଚନା ଅନୁସାରେ, ଗୁରୁବାର ସନ୍ଧ୍ୟାରେ କଣ୍ଟେଇପଲ୍ଲୀସ୍ଥିତ ଗ୍ରୀଡରେ ବଜ୍ରପାତ ହୋଇଥିଲା । ଏଥିରେ ଗ୍ରୀଡର କିଛି ମେସିନ୍ ପୋଡ଼ି ଯାଇଥିବା ବେଳେ ବିଦ୍ୟୁତ୍ ତାର ମଧ୍ୟ ନଷ୍ଟ ହୋଇଯାଇଛି । ଫଳରେ ସମଗ୍ର କନ୍ଧମାଳ ଜିଲ୍ଲାକୁ ବିଦ୍ୟୁତ୍ ସେବା ବ୍ୟାହତ ହୋଇଛି ।

ସଦର ମହକୁମା ଫୁଲବାଣୀ, ଉପଖଣ୍ଡ ବାଲିଗୁଡ଼ା ସମେତ ପୂରା ଜିଲ୍ଲା ଘନ ଅନ୍ଧକାର ମଧ୍ୟରେ ରହିଛି । ତେବେ, କେବେ ବିଦ୍ୟୁତ ସେବା ସ୍ୱାଭାବିକ ହେବ ସେନଇ ବିଭାଗ ପକ୍ଷରୁ ସ୍ପଷ୍ଟ ସୂଚନା ମିଳିନି । ')}