ବଡ଼ ମେଡିକାଲରେ ମଦ ପିଇବା ମହଙ୍ଗା ପଡ଼ିଲା, ନିଲମ୍ବିତ ହେଲେ ଲିଫ୍ଟ ଅପରେଟର

କଟକ ଏସସିବି ମେଡିକାଲରେ ଡ୍ୟୁଟି ସମୟରେ ମଦ ପିଇବା ପଡ଼ିଲା ମହଙ୍ଗା । ଲିଫ୍ଟ ଅପରେଟର ସନ୍ତୋଷ ଦାସଙ୍କୁ ସସପେଣ୍ଡ କଲେ ଏସସିବି କର୍ତ୍ତୃପକ୍ଷ । ଏସସିବି ପ୍ରଶାସନିକ ଅଧିକାରୀ ଅବିନାଶ ରାଉତ ଏହି ସୂଚନା ଦେଇଛନ୍ତି । ଦୁର୍ଘଟଣାଜନିତ କାଜୁଆଲଟିର ରିସେପସନରେ ଡ୍ୟୁଟି ସମୟରେ ଲିଫ୍ଟ ଅପରେଟର ସନ୍ତୋଷ ବିଅର ପିଇବାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା ।

ପାଖରେ ଜଣେ ମହିଳା ବସିଥିଲେ ମଧ୍ୟ ବାବୁଙ୍କର ଖାତିର ନଥିଲା । ଏହି ଭିଡିଓ ଏବେ ମୋବାଇଲରୁ ମୋବାଇଲକୁ ଘୂରି ବୁଲୁଛି । ଉକ୍ତ କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି କରାଯାଉଥିଲା । ତଦନ୍ତ ପରେ ଲିଫ୍ଟ ଅପରେଟର ସନ୍ତୋଷ ଦାସଙ୍କୁ କାର୍ଯ୍ୟରୁ ସସପେଣ୍ଡ କରାଯାଇଛି ।