LICର ଜୀବନ ଲାଭ ପଲିସି, ମିଳିବ ୨୦ ଲକ୍ଷ

ନୂଆଦିଲ୍ଲୀ: କରୋନାକୁ ନେଇ ସବୁଠି ଗମ୍ଭୀର ସ୍ଥିତି । ଲୋକେ ରିକ୍ସ ଥିବା ଫଣ୍ଡରେ ନିବେଶ କରୁବାକୁ ଚାହୁଁଛନ୍ତି । ଏହାସହ ଏମିତି ସ୍କିମରେ ଟଙ୍କା ଖଟାଇବାକୁ ଚାହୁଁଛନ୍ତି ଯେଉଁଥିରେ ତାଙ୍କୁ ଭଲ ରିଟର୍ଣ୍ଣ ମିଳିପାରିବ । ଏମିତି ଚାହୁଁଥିଲେ ଆପଣ LICର ଏଣ୍ଡିମେଣ୍ଟ ପ୍ଲାନ ଜୀବନ ଲାଭ ପଲିସି (Jeevan Labh Policy)ରେ ନିବେଶ କରିପାରିବେ । ଏହି ପଲିସିରେ ଅଳ୍ପ ନିବେଶରେ ମ୍ୟାଚୁରିଟ ପରେ ଅଧିକ ଟଙ୍କା ପାଇ ପାରିବେ ।

ମିଳିବ ୨୦ ଲକ୍ଷ ଟଙ୍କା

LIC ଓ୍ବେବସାଇଟରେ ଥିବା କାଲକୁଲେଟର ଅନୁସାରେ ଏହି ପଲିସିରେ ପ୍ରତିଦିନ ୨୬୦ ଟଙ୍କା ନିବେଶ କଲେ ଆପଣ ମ୍ୟାଚୁରିଟ ପରେ ୨୦ ଲକ୍ଷ ଟଙ୍କା ପାଇ ପାରିବେ । ଏଥିରେ ଆପଣ ସବୁଠୁ କମ ୨ ଲକ୍ଷ ଟଙ୍କାର ବିମା କରିପାରିବେ । ହେଲେ ଆପଣ ଚାହିଁଲେ ଏହାଠାରୁ ଅଧିକ ଟଙ୍କାର ବୀମା ବି କରିପାରିବେ । ଏହି ସ୍କିମରେ ଆପଣଙ୍କୁ ଇନକମ୍ ଟ୍ୟାକ୍ସ ଦେବାକୁ ପଡିବ ନାହିଁ ।

ପଲିସି ଟର୍ମ

ଏହି ପଲିସି ୩ଟି ଟର୍ମରେ ଆସିଥାଏ । ଆପଣ ୧୬ ବର୍ଷ, ୨୧ କିମ୍ବା ୨୫ ବର୍ଷର ମ୍ୟାଚୁରିଟି ସମୟସୀମାରେ ଏହି ସ୍କିମରେ ନିବେଶ କରିପାରିବେ । ପ୍ରିମିୟମ ଦେୟ ୧୦ ବର୍ଷ ଓ ୧୫ ଏବଂ ୧୬ ବର୍ଷ ରହିଛି । ଏଥିରେ ମାସିକ, ତିନି ମାସ, ୬ ମାସ କିମ୍ବା ବର୍ଷକୁ ଥରେ ପ୍ରିମିୟମ ଭରି ପାରିବେ ।

ନିବେଶ ପାଇଁ କେତେ ବର୍ଷ ହେବା ଦରକାର

୮ରୁ ୫୯ ବର୍ଷର ଲୋକ ଏଥିରେ ନିବେଶ କରିପାରିବେ । ଯଦି ଆପଣ ପ୍ରତିମାସ ପ୍ରିମିୟମ ଭରିବେ ତେବେ ଡୋରି ହେଲେ ୧୫ ଦିନ ଗ୍ରେସ୍ ସମୟ ମିଳିବ । ତିନିମାସ, ଛ ମାସ କିମ୍ବା ବର୍ଷକୁ ଥରେ ପ୍ରିମିୟମ ଭରୁଥିଲେ ଡୋରି ପାଇଁ ଗୋଟିଏ ମାସ ଅଧିକ ସମୟ ମିଳିବ ।