ମଝି ରାସ୍ତାରେ ଖୋଲା ବୁଲୁଛି କଲରାପତରିଆ ବାଘ, ଲୋକେ ବାଘ ଦେଖି ଭୟଭିତ

କଳାହାଣ୍ଡି: ଆମପାଣି ଘାଟି ରାସ୍ତା ଜଙ୍ଗଲରେ କଲରା ପତରିଆ ବାଘ। ମଝି ରାସ୍ତାରେ ଖୋଲା ବୁଲୁଛି ବାଘ। ରାତିରେ ବାଘ ଦେଖି ଲୋକେ ଭୟଭିତ ଅବସ୍ଥାରେ ରହିଛନ୍ତି। କଳାହାଣ୍ଡି ନବରଙ୍ଗପୁର ସୀମାନ୍ତ କୋକସରା ଆମପାଣି ଘାଟିରେ କଲରାପତରିଆ ବାଘ ଦେଖିବାକୁ ମିଳିଛି।

ଗତକାଲି ବିଳମ୍ବିତ ରାତିରେ ସିଉନି ଗାଁର ଆଲୋକ ପାଣିଗ୍ରାହୀ ଜୟପୁର ପଟୁ ଘରକୁ ଫେରୁଥିବା ବେଳେ ବାଘ ଦେଖିଥିଲେ। ସାହାଜଖୋଲ ଜଙ୍ଗଲ ଆମପାଣି ଘାଟି ଟିର୍ଲିଆମ ଗାଁ ବୁଲାଣି ନିକଟରେ ଏକ କଲରାପତିଆ ବାଘକୁ ଅତି ନିକଟରୁ ଦେଖିଥିବା କହିଛନ୍ତି। ବାଘଟି ଖାଦ୍ୟ ଅନ୍ୱେଷଣରେ ଏଣେ ତେଣେ ବୁଲୁଥିବା  ପୂର୍ବରୁ ଜଙ୍ଗଲରେ ଭାଲୁ ଦେଖିବାକୁ ମିଳିଥିବା ବେଳେ ଏବେ କଲରା ପତାରିଆ ବାଘ ଦେଖିବାକୁ ମିଳିଛି।