ସାବଧାନ ! ଦୈତାରୀରେ ବୁଲୁଛି କଲରାପତରିଆ

ରାସ୍ତା ଉପରେ ବୁଲୁଛି ବାଘ । କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକ ଦୈତାରୀ ସଂରକ୍ଷିତ ଜଙ୍ଗଲ ଘାଟି ରାସ୍ତାରେ କଲରାପତରିଆ ବାଘ ବୁଲୁଛି । ଓଏମସି ଲିଜ୍ ଅଧୀନ ବଳି ପର୍ବତ ୱେଲକମ୍ ଗେଟରୁ ଦୈତାରୀ ଟାଉନ୍ ସିପକୁ ଲମ୍ବିଥିବା ଘାଟି ରାସ୍ତାରେ ବାଘ ବିଚରଣ କରୁଥିବା ଦେଖିବାକୁ ମିଳିଛି । ଘାଟିର ମଧ୍ୟବର୍ତ୍ତୀ ସ୍ଥାନରେ ବାଘକୁ ଦେଖିଛନ୍ତି ଓଆଇସିଏଫ୍ ଯବାନ । ଓଏମସି ଖଣି ନିରାପତ୍ତା ଦାୟିତ୍ୱରେ ଥିବା ଓଆଇସିଏଫ୍ ଯବାନମାନେ ରାତିରେ ଘାଟି ଦେଇ ଯାଉଥିବା ବେଳେ ବାଘକୁ ଦେଖି ତାର ଭିଡିଓ ସୁଟ୍ କରିଛନ୍ତି । ଘାଟିରେ କଲରାପତରିଆ ବୁଲୁଥିବା ଖବର ପ୍ରଚାରିତ ହେବା ପରେ ଅଞ୍ଚଳବାସୀଙ୍କ ମଧ୍ୟରେ ଭୟର ବାତାବରଣ ଖେଳି ଯାଇଛି । ')}