ଧରାପଡିଲା ବାରିପଦା ସହରରେ ଆତଙ୍କ ଖେଳାଇଥିବା ବାଘ

ବାରିପଦା: ଦୀର୍ଘ ୫ ଘଣ୍ଟାର ପରିଶ୍ରମ ପରେ ବନବିଭାଗ ହାତରେ ଧରାପଡିଛି ଶିମିଳିପାଳ ବାଘ । ତାକୁ ଠାବ କରିବା ପରେ ଟ୍ରାଙ୍କୁଲାଇଜ କରାଯାଇଛି। ଟ୍ରାଙ୍କୁଲାଇଜ ପରେ ମଧ୍ୟ ସେ ଚମ୍ପଟ ମାରିବାକୁ ଉଦ୍ୟମ କରିଥିଲା । ହେଲେ ଜଣଙ୍କ ଘର ନିକଟରେ ଅଚେତ ହୋଇ ପଡି ଯାଇଥିଲା ।

ବନବିଭାଗର କର୍ମଚାରୀ ମାନେ ତାକୁ ସତର୍କତାର ସହ କେଜ୍‌ ଭିତରକୁ ଆଣିଥିଲେ । ଶିମିଳିପାଳ ବ୍ୟାଘ୍ର ପ୍ରକଳ୍ପ ଉପନିର୍ଦ୍ଦେଶକ ସମ୍ରାଟ ଗୈାଡା ବାଘଟିକୁ ଶିମିଳିପାଳ ଅଭୟାରଣ୍ୟ ପାଦଦେଶରେ ଥିବା କାର୍ଯ୍ୟାଳୟକୁ ନେଇ ଚିକିତ୍ସା ସେବା ଯୋଗାଇ ଦେଇଛନ୍ତି । ବାଘଟି ସୁସ୍ଥ ହେବା ପରେ ଜଙ୍ଗଲରେ ଛଡାଯିବ ।