ସୌମ୍ୟରଞ୍ଜନ ପଟ୍ଟନାୟକଙ୍କୁ ଲେନିନ ମହାନ୍ତିଙ୍କ ଟାର୍ଗେଟ୍

ଭୁବନେଶ୍ବର: ଲୋନସ୍କାମକୁ ନେଇ ଗୋଟିଏ ପରେ ଗୋଟିଏ ତଥ୍ୟ ସାମନାକୁ ଆସୁଥିବାବେଳେ ସୌମ୍ୟଙ୍କ ଗୁମର ଖୋଲୁଛି । ତେବେ ଏହାରି ଭିତରେ ସୌମ୍ୟଙ୍କୁ ଟାର୍ଗେଟ କରିଛନ୍ତି ବିଜେଡି ମୁଖପାତ୍ର ଲେନିନ ମହାନ୍ତି । ସେ କହିଛନ୍ତି କି,  ଗଣମାଧ୍ୟମ ସଂସ୍ଥାର ମାଲିକ କ’ଣ ଆଇନର ଊର୍ଦ୍ଧରେ ? କୋଟି କୋଟି ଟଙ୍କାର ବ୍ୟାଙ୍କ ଋଣ ଜାଲିଆତି ସୌମ୍ୟଙ୍କ କମ୍ପାନୀ ବିରୋଧରେ ଅଭିଯୋଗ ହୋଇଛି । ଏଭଳି ଗଣମାଧ୍ୟମ ଅନୁଷ୍ଠାନ ପାଇଁ ଆଇନରେ କିଛି ଅଲଗା ବ୍ୟବସ୍ଥା ଅଛି କି ?  କିଛିମାସ ତଳେ ଦୈନିକ ଭାସ୍କର ଏନଡିଟିଭିରେ ଆୟକର ଚଢ଼ାଉ ହୋଇଥିଲା

ଜିଏସଟି ବିଭାଗ ପକ୍ଷରୁ ମଧ୍ୟ  କିଛି ସଂସ୍ଥା ଉପରେ ଚଢ଼ାଉ କରାଯାଇଥିଲା ।  ସେମାନେ ଆଇନ ଅନୁଯାୟୀ ଏହାକୁ ସାମ୍ନା କରିଥିଲେ । ସେତେବେଳେ ସେମାନେ ତ ଏହାକୁ ଆକ୍ରୋଶମୂଳକ କହିନଥିଲେ । କିନ୍ତୁ ସୌମ୍ୟ ଏବେ କାହିଁକି ଆକ୍ରୋଶ କଥା କହୁଛନ୍ତି ବୋଲି ଲେନିନ ପ୍ରଶ୍ନ ଉଠାଇଛନ୍ତି । ୪/୫ଦିନ ତଳେ ନନ୍ଦିଘୋଷ ଟିଭି କାର୍ଯ୍ୟାଳୟରେ ଚଢ଼ାଉ ହୋଇଥିଲା । ସେଣ୍ଟ୍ରାଲ ଜିଏସଟି ପକ୍ଷରୁ ଅଚାନକ ଚଢ଼ାଉ କରାଯାଇଥିଲା । ଏହା ଅପ୍ରତ୍ୟାଶିତ ଥିଲେ ହେଁ ଆକ୍ରୋଶମୂଳକ କହି ବିରୋଧ କରିନଥିଲେ । ଏହାକୁ ବିରୋଧ କରି ଖବର ପ୍ରସାରଣ କରି ନଥିଲା ନନ୍ଦିଘୋଷ ଟିଭି । ସେପଟେ ସେଣ୍ଟ୍ରାଲ ଜିଏସଟି ଟିମକୁ ସମ୍ପୂର୍ଣ୍ଣ ସହଯୋଗ କରିଥିଲା ନନ୍ଦିଘୋଷ ଟିଭି । ନନ୍ଦିଘୋଷ ଟିଭି ହେଉ କି ସମ୍ବାଦ କେହି ଆଇନର ଊର୍ଦ୍ଧ୍ୱରେ ନୁହଁନ୍ତି  । ସମ୍ବାଦ ବିରୋଧରେ ତାଙ୍କ କର୍ମଚାରୀ ଋଣ ଜାଲିଆତି ଅଭିଯୋଗ କରିଛନ୍ତି । ଠକାମୀର ଶିକାର ଏଭଳି କର୍ମଚାରୀଙ୍କ ସଂଖ୍ୟା ୩୦୦ବୋଲି କୁହାଯାଉଛି  ପ୍ରାୟ ୧୦୦କୋଟିର ଜାଲିଆତିର ତଦନ୍ତ ହେବାରେ ଅସୁବିଧା କେଉଁଠି ?