ଧର୍ମେନ୍ଦ୍ର ପ୍ରଧାନଙ୍କ ଉପରେ ବର୍ଷିଲେ ଲେନିନ ମହାନ୍ତି

ସମ୍ବଲପୁର: ସମ୍ବଲପୁର ବିଜେପି ସାଂସଦ ପ୍ରାର୍ଥୀ ତଥା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ପୁଣି ଟାର୍ଗେଟ୍ କଲେ ବିଜୁ ଜନତା ଦଳର ମୁଖପାତ୍ର ଲେନିନ ମହାନ୍ତି। ବିଜେପିର ମୁଖପାତ୍ର ନଥାଇ ମଧ୍ୟ ଜଣଙ୍କୁ ପ୍ରେସମିଟ୍ କରିବାର ସୁଯୋଗ ଦିଆଯାଉଛି। କିଛି ସ୍ପଷ୍ଟ ତଥ୍ୟ ନଥାଇ ସେ ଅବାନ୍ତର ପ୍ରଶ୍ନ ପଚାରୁଛନ୍ତି । ବିଜୁ ଜନତା ଦଳ ପଚାରିଥିବା ପ୍ରଶ୍ନର ଉତ୍ତର ଏ ପର୍ଯ୍ୟନ୍ତ ବିଜେପି ଦେଇନାହିଁ। ଏସବୁ ପ୍ରଶ୍ନର ଉତ୍ତର ଦେବାକୁ ଧର୍ମେନ୍ଦ୍ର ପ୍ରଧାନଙ୍କର ସତ୍ ସାହସ ନାହିଁ ବୋଲି ଲେନିନ କହିଛନ୍ତି।

ଧର୍ମେନ୍ଦ୍ରଙ୍କ ପ୍ରତି ପ୍ରଶ୍ନର ଉତ୍ତର ବିଜେଡି ଦେଇଛି। ଆଇଆଇଏମ ସମ୍ବଲପୁରକୁ ରୋକିବା ଓ ସମଲେଇ ପ୍ରକଳ୍ପକୁ ବିରୋଧ କରିବା କ’ଣ ଓଡ଼ିଆ ଅସ୍ମିତାର ପରିଚୟ କି ବୋଲି ପ୍ରଶ୍ନ କରିଛନ୍ତି ଲେନିନ। ବିଜେଡି ଏକ ଶୃଙ୍ଖଳିତ ଦଳ । ବିଜେଡିର ଏକ ନିର୍ଦ୍ଦିଷ୍ଟ ମୁଖପାତ୍ର ଟିମ୍ ଅଛନ୍ତି । ସେହିପରି ଲେନିନ ମହାନ୍ତି ପାନ୍ଥ ନିବାସରେ ରହିବା କଥା ମଧ୍ୟ ସ୍ପଷ୍ଟ କରିଛନ୍ତି । ପାନ୍ଥ ନିବାସରେ ଉପଯୁକ୍ତ ଟଙ୍କା ଦେଇ ରହୁଛନ୍ତି ବୋଲି ଲେନିନ ପ୍ରକାଶ କରିଛନ୍ତି।