‘ସୌଗନ୍ଧ ମୁଝେ ଇସ୍ ମିଟ୍ଟି କି’ ଲତାଙ୍କ ସ୍ୱରରେ ରେକର୍ଡ ହୋଇଥିବା ଶେଷ ଗୀତ

ମୁମ୍ବାଇ: ସେ ନାହାଁନ୍ତି, କିନ୍ତୁ ତାଙ୍କ ଗୀତ ଅଛି । ସମସ୍ତଙ୍କୁ ପର କରି ଆରପାରିକୁ ଚାଲି ଯାଇଛନ୍ତି ସ୍ୱର ସାମ୍ରାଜ୍ଞୀ ଲତା ମଙ୍ଗେସକର । ଶେଷ ଗୀତ ଭାବେ ଲତା ‘ଗାୟତ୍ରୀ ମନ୍ତ୍ର’ ଓ ‘ସୌଗନ୍ଧ ମୁଝେ ଇସ୍ ମିଟ୍ଟି କି’ ଗାଇଥିଲେ ।

ଏଥିସହ ପଢ଼ନ୍ତୁ: କ୍ରିକେଟ୍ ପ୍ରଶାସକ ରାଜ ସିଂ ଡୁଙ୍ଗରପୁରଙ୍କ ସହ ପ୍ରେମରେ ପଡ଼ିଥିଲେ ଲତା !

ରିଲାଏନ୍ସ ଇଣ୍ଡଷ୍ଟ୍ରି ମାଲିକ ମୁକେଶ ଅମ୍ବାନୀଙ୍କ ଝିଅ ଇଶା ଅମ୍ବାନୀ ଓ ଆନନ୍ଦ ପିରାମିଲଙ୍କ ବିବାହ ୨୦୧୮ ଡିସେମ୍ବର ୧୨ରେ ହୋଇଥିଲା । ଆଉ ଉକ୍ତ ବିବାହରେ ଲତା ଗାଇଥିବା ଗାୟତ୍ରୀ ମନ୍ତ୍ର ବାଜିଥିଲା । ଗାୟତ୍ରୀ ମନ୍ତ୍ରକୁ ଲତା ଶୁଭକାମନା ସନ୍ଦେଶ ରୂପେ ପଠାଇଥିଲେ ।

ଗିନିଜ୍ ବୁକ୍ ଅଫ୍ ୱାର୍ଲ୍ଡ ରେକର୍ଡରେ ସ୍ଥାନ ପାଇଥିବା ଲତା ୨୦୧୯ରେ ଶେଷଥର ପାଇଁ ଗୀତ ରେକର୍ଡିଂ କରିଥିଲେ । ଭାରତୀୟ ସେନାକୁ ସମର୍ପିତ ଏହି ଗୀତ ଥିଲା ‘ସୌଗନ୍ଧ ମୁଝେ ଇସ୍ ମିଟ୍ଟି କି’ । ଏହି ଗୀତ ୨୦୧୯ ମାର୍ଚ୍ଚ ୩୦ରେ ରିଲିଜ୍ ହୋଇଥିଲା ।