କପିଲ ଦେବଙ୍କୁ ହୃଦଘାତ, ମେଡିକାଲରେ ଭର୍ତ୍ତି

ନୂଆଦିଲ୍ଲୀ: ଭେଟରାନ ଭାରତୀୟ କ୍ରିକେଟର କପିଲ ଦେବ ହୃଦଘାତରେ ପୀଡ଼ିତ ହୋଇଛନ୍ତି । ଏକ ରିପୋର୍ଟର ଦାବି ଅନୁସାରେ ଦିଲ୍ଲୀର ଏକ ହସ୍ପିଟାଲରେ କପିଲ ଦେବଙ୍କ ଆଞ୍ଜିୟୋପ୍ଲାଷ୍ଟି କରାଯାଇଛି । ଏବେ ତାଙ୍କର ସ୍ୱାସ୍ଥ୍ୟାବସ୍ଥା ସ୍ତିର ଥିବା କୁହାଯାଉଛି । ସେ ଏବେ ବିପଦମୁକ୍ତ ଅଛନ୍ତି ।

କପିଲ ଦେବଙ୍କ ହୃଦଘାତ୍ ଖବର ମିଳିବା ପରେ ସୋସିଆଲ୍ ମିଡିଆରେ ସେ ଶୀଘ୍ର ସୁସ୍ଥ ହୋଇଯାଆନ୍ତୁ ବୋଲି ଲୋକ ପ୍ରାର୍ଥନା କରୁଛନ୍ତି । ଭାରତୀୟ କ୍ରିକେଟ ଟିମ୍ କପିଲ ଦେବଙ୍କ ଅଧିନାୟକତ୍ୱରେ ପ୍ରଥମ ଥର ପାଇଁ ଦିନିକିଆ ବିଶ୍ୱକପ୍ ଜିତିଥିଲା । ତାଙ୍କୁ ସମସ୍ତେ ଅଲରାଉଣ୍ଡର ଭାବେ ଜାଣନ୍ତି ।

ଭାରତୀୟ କ୍ରିକେଟ୍ ଟିମର ପୂର୍ବତନ ଅଧିନାୟକ ଓ କ୍ରିକେଟ ଜଗତର ଭଲ ରାଉଣ୍ଡର କପିଲ ଦେବଙ୍କ ନେତୃତ୍ୱରେ ଭାରତ ୧୯୮୩ରେ ପ୍ରଥମ ଥର ପାଇଁ ବିଶ୍ୱକପ୍ ଜିତିଥିଲା । ଅନ୍ତଃରାଷ୍ଟ୍ରୀୟ କ୍ୟାରିୟରରେ ୧୩୧ଟି ଟେଷ୍ଟ ଓ ୨୨୫ଟି ଦିନିକିଆ ଖେଳିଛନ୍ତି କପିଲ ଦେବ । ଟେଷ୍ଟରେ ସେ ୫ ହଜାର ୨୪୮ ରନ୍ ଓ ୪୩୪ଟି ୱିକେଟ୍ ନେଇଛନ୍ତି । ଯେତେବେଳେ କି ଅନ୍ତର୍ଜାତୀୟ ଦିନିକିଆ କ୍ୟାରିୟରେ ସେ ୩ ହଜାର ୭୮୩ ରନ୍ କରିବା ସହ ୨୫୩ଟି ୱିକେଟ୍ ନେଇଛନ୍ତି । ସେ ଶେଷଥର ପାଇଁ ୱେଷ୍ଟଇଣ୍ଡିଜ୍ ବିପକ୍ଷରେ ଅନ୍ତର୍ଜାତୀୟ ମ୍ୟାଚ୍ ଫରିଦାବାଦରେ ୧୯୯୪ରେ ଖେଳିଥିଲେ ।