ଆମେରିକାରେ ଭାରତୀୟଙ୍କୁ ଛଟେଇ, ଚାକିରି ନ ମିଳିଲେ ସରିଯିବ ଭିସା
ନୂଆଦିଲ୍ଲୀ: ଆମେରିକାର ବହୁ ବଡ଼ ବଡ଼ କମ୍ପାନୀ କର୍ମଚାରୀଙ୍କୁ ଚାକିରିରୁ ଛଟେଇ କରି ସାରିଲାଣି । ଗୁଗୁଲ, ମାଇକ୍ରୋସଫ୍ଟ , ଫେସବୁକ ଏବଂ ଆମାଜନ ଭଳି କମ୍ପାନୀରେ କାମ କରୁଥିବା କର୍ମଚାରୀ ଚାକିରି ହରେଇ ସାରିଲେଣି । ଏହାରି ଭିତରେ ଚିନ୍ତାରେ ଅଛନ୍ତି ସେଠାକାର ଭାରତୀୟ । ସେଠାରେ ଆଇଟି କମ୍ପାନୀରେ କାମ କରୁଥିବା ହଜାର ହଜାର ଭାରତୀୟ ଚାରିରି ହରେଇ ସାରିଲେଣି ।
ସେଠାରେ ଭାରତୀୟଙ୍କ ଅବସ୍ଥା ଏପରି ହୋଇଛି ଯେ, ଯଦି ସେଠାରେ ରହିବାକୁ ଚାହୁଁଛନ୍ତି ତାହାଲେ ୬୦ ଦିନ ଭିତରେ ଚାକିରି ଖୋଜିବାକୁ ପଡ଼ିବ । ଯଦି ଚାକିରି ନମିଳିଲା ତାହାଲେ ଘରକୁ ଫେରିବା ଛଡ଼ା ଆଉ କିଛି ଉପାୟ ନାହିଁ । କରୋନା ପରଠାରୁ ବହୁ କମ୍ପାନୀରେ ଆଇଟି କର୍ମଚାରୀ ଛଟେଇର ଶିକାର ହୋଇଛନ୍ତି । ଏମାନଙ୍କ ମଧ୍ୟରୁ ୩୦ରୁ ୪୦ ପ୍ରତିଶତ ହେଉଛନ୍ତି ଭାରତୀୟ ।
ଚାକିରି ନମିଳିଲେ ଭିସାର ଅବଧି ଶେଷ ହୋଇଯାଏ । ଏବେ ସେଠାରେ ସ୍ଥାୟୀ ଭାବେ ବସବାସ କରୁଥିବା ଭାରତୀୟ ଚାକିରି ଖୋଜି ଖୋଜି ହନ୍ତସନ୍ତ ହେଉଛନ୍ତି । ଯଦି ଚାକିରି ନ ମିଳିଲେ ଯାଗା ବାଡ଼ି ବିକି ଘରକୁ ଫେରିବା ଛଡ଼ା ଭାରତୀୟଙ୍କ ପାଖରେ ଆଉ କିଛି ବାଟ ନାହିଁ ।
