ନନ୍ଦିଘୋଷ ବ୍ୟୁରୋ: କ୍ରିକେଟ ଖେଳକୁ ନେଇ ରାଜନୀତି । ଭୁବନେଶ୍ୱର ଲକ୍ଷ୍ମୀସାଗର ହାଇସ୍କୁଲ ପଡିଆରେ ଉତ୍ତେଜନା। ବିଜେପି ନେତାଙ୍କ ମନମାନିକୁ ବିରୋଧ। ସେଠାରେ ଚାଲିଥିବା ୧୬ତମ ଲକ୍ଷ୍ମୀସାଗର କ୍ରିକେଟ ଟୁର୍ଣ୍ଣାମେଣ୍ଟ ବନ୍ଦ କରିବାକୁ ବିଜେପି ନେତାଙ୍କ ଚକ୍ରାନ୍ତ ଅଭିଯୋଗ। ପୋଲିସ ଲଗାଇ ମ୍ୟାଚ ବନ୍ଦ କରିବାକୁ ହୀନ ଷଡଯନ୍ତ୍ରକୁ ବିରୋଧ କରିଛନ୍ତି ସ୍ଥାନୀୟ ଲୋକ। ବିଜେପି ନେତା ମୁଖ୍ୟ ଅତିଥି ନ ହୋଇଥିବାରୁ ଏହି ଚକ୍ରାନ୍ତ କରୁଥିବାରୁ ସ୍ଥାନୀୟ ଲୋକ ଅଭିଯୋଗ କରିଛନ୍ତି। ଉତ୍ତେଜନା କାରଣରୁ ରସୁଲଗଡ କଳ୍ପନା ଜାତୀୟ ରାଜପଥରେ ଅଟକିଥିଲା ହଜାର ହଜାର ଯାନବାହନ। ଫଳରେ ପୁରୀ ଆସୁଥିବା ପର୍ଯ୍ୟଟକ ସେଠାରେ ଫସିଯାଇଥିଲେ। ଲକ୍ଷ୍ମୀସାଗର ଛକରେ ସ୍ଥାନୀୟ ଲୋକଙ୍କ ରାସ୍ତା ଅବରୋଧ ଯୋଗୁ ଯାତ୍ରୀମାନେ ନାହିଁ ନଥିବା ହୀନସ୍ତା ହୋଇଛନ୍ତି। ପୋଲିସ ବୁଝାସୁଝା ବେଳେ ପୋଲିସକୁ ଆକ୍ରମଣ ହୋଇଥିବା ସୂଚନା ମିଳିଛି।
