ନୂଆଦିଲ୍ଲୀ: ରାଜ୍ୟର ବିଭିନ୍ନ କୋର୍ଟରେ ଓକିଲଙ୍କ କାର୍ଯ୍ୟବନ୍ଦ ଆନ୍ଦୋଳନକୁ ନେଇ ସୁପ୍ରିମକୋର୍ଟ ଖପ୍ପା। ଆନ୍ଦୋଳନ ବନ୍ଦ ନକଲେ ଲାଇସେନ୍ସ ସସପେଣ୍ଡ କରିବାକୁ କୋର୍ଟ ଚେତାବନୀ ଦେଇଛନ୍ତି। ଆଇନଜୀବୀଙ୍କ ଆନ୍ଦୋଳନ ଯୋଗୁ କୋର୍ଟ କାର୍ଯ୍ୟ ବାଧାପ୍ରାପ୍ତ ହେଉଥିବା ବେଳେ ସାଧାରଣ ଲୋକେ ନ୍ୟାୟ ପାଇବାରୁ ବଞ୍ଚିତ ହେଉଛନ୍ତି ।
ଆଜି ଏହି ମାମଲାର ଶୁଣାଣି କରି କଡ଼ା ଚେତାବନୀ ଦେଇଛନ୍ତି ଜଷ୍ଟିସ ସଞ୍ଜୟ କିଷନ କୋଲଙ୍କ ଖଣ୍ଡପୀଠ। ଏପରି କାର୍ଯ୍ୟବନ୍ଦ ଦ୍ବାରା କନିଷ୍ଠ ବାର ସଦସ୍ୟ ମଧ୍ୟ ପ୍ରଭାବିତ ହେଉଛନ୍ତି । ତେଣୁ କାଲି ସୁଦ୍ଧା କାର୍ଯ୍ୟରେ ଯୋଗନଦେଲେ ସସପେଣ୍ଡ ହେବ ଲାଇସେନ୍ସ ।
ଗତ ଶୁକ୍ରବାର ଦିନ ଏନେଇ ଶୁଣାଣି ବେଳେ ଆଇନଜୀବୀଙ୍କ କୋର୍ଟ ବର୍ଜନ ମାମଲାରେ ବାର କାଉନସିଲ୍ ଅଫ ଇଣ୍ଡିଆ, ବାର କାଉନସିଲ୍ ଅଫ ଓଡ଼ିଶା, ଅଲ୍ ଡିଷ୍ଟ୍ରିକ୍ଟ ଅଫ ବାର ଆସୋସିଏସନଙ୍କୁ ସୁପ୍ରିମକୋର୍ଟରେ ସୋମବାର ହଜାର ହେବାକୁ ନିର୍ଦ୍ଦେଶ ଦେଇଥିଲେ। ବିଚାରପତି ସଞ୍ଜୟ କିଷନ କୋଲଙ୍କ ଖଣ୍ଡପୀଠ ଏହି ନିର୍ଦ୍ଦେଶନାମା ଦେଇଥିଲେ। ଏହାର ପୁନଃ ଶୁଣାଣି ପାଇଁ ଆଜି ସାନି ତାରିଖ ଧାର୍ଯ୍ୟ କରିଥିଲେ ।
