୨୮ ଦିନର ଚିକିତ୍ସା ପରେ ଘରକୁ ଫେରିଲେ ସ୍ୱର ସାମ୍ରାଗ୍ନୀ ଲତା ମଙ୍ଗେସ୍କର
ମୁମ୍ବାଇ : ଦୀର୍ଘ ୨୮ ଦିନର ଚିକିତ୍ସା ପରେ ଘରକୁ ଫେରିଛନ୍ତି ସ୍ୱର ସାମ୍ରାଗ୍ନୀ ଲତା ମଙ୍ଗେସ୍କର । ଏହି ଅବସରରେ ସେ ସମସ୍ତଙ୍କୁ ଆନ୍ତରିକ ଧନ୍ୟବାଦ ଦେଇଛନ୍ତି । ନଭେମ୍ବର ୧୧ ତାରିଖରେ ନିଶ୍ୱାସ ପ୍ରଶ୍ୱାସ ନେବାରେ କଷ୍ଟ ଅନୁଭବ କରିବାକୁ ଲତାଙ୍କୁ ମୁମ୍ବାଇର ବ୍ରିଚ୍ କ୍ୟାଣ୍ଡି ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ୪ ସପ୍ତାହ ଧରି ଡାକ୍ତର ତାଙ୍କର ଚିକିତ୍ସା କରିଥିଲେ ।
ଗତକାଲି ରାତିରେ ଲତା ଜିସଚାର୍ଜ ହେବା ପରେ ଟ୍ୱିଟରରେ ଉଲ୍ଲେଖ କରିଛନ୍ତି ଯେ, ସମସ୍ତଙ୍କର ଶୁଭେଚ୍ଛା ଭଲପାଇବାକୁ ସେ ସୁସ୍ଥ ହୋଇ ଘରକୁ ଫେରିଛନ୍ତି । ତାଙ୍କୁ ନିମୋନିଆ ହୋଇଥିଲା । ଡାକ୍ତର ସଂପୂର୍ଣ୍ଣ ସୁସ୍ଥ ହେବା ପରେ ଘରକୁ ଯିବାକୁ କହିଥିବା ଲତା ଉଲ୍ଲେଖ କରିଛନ୍ତି । ତେବେ ଲତାଙ୍କର ଆଶୁ ଆରୋଗ୍ୟ କାମନା କରି ସାରା ଦେଶରୁ ଶୁଭେଚ୍ଛାର ସୁଅ ଛୁଟିଥିଲା ।
ଏବେ ସେ ସଂପୂର୍ଣ୍ଣ ସୁସ୍ଧ ଅଛନ୍ତି । ୯୦ ବର୍ଷୀୟ କୋକିଳ କଣ୍ଠୀ ଏ ଯାଗୁଗରୀ କଣ୍ଠଶିଳ୍ପୀଙ୍କୁ ବହୁ ସେଲିବ୍ରିଟି ଟ୍ବିଟ୍ କରି ଶୁଭେଚ୍ଛା ମଧ୍ୟ ଜଣାଇଛନ୍ତି ।
