ଆଜି ସୁପର ଫାଇଟ୍: ସିରିଜ୍ ଜିତିବା ପାଇଁ ଭାରତ-ଅଷ୍ଟ୍ରେଲିଆ ମଧ୍ୟରେ ମହାଲଢ଼େଇ

ହାଇଦ୍ରାବାଦ: ସୁପର ସନଡେରେ ହେବ ସୁପର ଫାଇଟ୍ । ଟି-ଟ୍ବେଣ୍ଟି ସିରିଜର ଆଜି ହେବ ମହାଲଢ଼େଇ । ହାଇଦ୍ରାବାଦରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଟ୍ରଫି ପାଇଁ ହେବ ଫାଇନାଲ ଫାଇଟ୍ । ଟି ଟ୍ବେଣ୍ଟି ସିରିଜ୍ ୧-୧ରେ ବରାବର ଥିବାରୁ ଆଜି ହେକ କଡ଼ା ମୁକାବିଲା । ପ୍ରଥମ ମ୍ୟାଚରେ ଅଷ୍ଟ୍ରେଲିଆ ଓ ଦ୍ବିତୀୟ ମ୍ୟାଚରେ ଜିତିଥିଲା ଭାରତ । ତେଣୁ ଆଜିର ମ୍ୟାଚରେ ହେବ ଜୋରଦାର ଫାଇଟ୍ ।

ତେବେ ବୋଲିଂ ଉପରେ ଧ୍ୟାନ ଦେବ ଘରୋଇ ଦଳ । ରୋହିତ ଶର୍ମା ଓ ବିରାଟ କୋହଲିଙ୍କ ବ୍ୟାଟିଂ ଉପରେ ରହିଛି ପ୍ରଶଂସକଙ୍କ ନଜର । ଅନ୍ୟପଟେ ଦମଦାର ଫର୍ମରେ ରହିଛି ଫିଞ୍ଚ ବାହିନୀ । ଉଭୟ ବ୍ୟାଟିଂ ଓ ବୋଲିଂରେ ଚମତ୍କାର ପ୍ରଦର୍ଶନ କରିଛି ଅଷ୍ଟ୍ରେଲିଆ । ତେଣୁ ସିରିଜ୍ ହାତେଇବା ପାଇଁ ମଧ୍ୟ କଡ଼ା ଟକ୍କର ଦେବ କଙ୍ଗାରୁ ଟିମ୍ ।