ଭୁବନେଶ୍ୱରରେ ଆୟୋଜିତ ଜାତୀୟ ଡଗ୍ ଶୋ’ର ଆଜି ଶେଷଦିନ
1 min read
ଭୁବନେଶ୍ୱର: ଓଡ଼ିଶା କେନେଲ କ୍ଲବ କଳିଙ୍ଗ ଶାଖା ପକ୍ଷରୁ ଭୁବନେଶ୍ବରରେ ଆୟୋଜିତ ଜାତୀୟ ଡଗ ଶୋର ଆଜି ଶେଷଦିନ । ୟୁନିଟ-6 ହାଇସ୍କୁଲ ପଡ଼ିଆରେ ଚାଲିଥିବା ଡୋଗ ଶୋରେ ବିଭିନ୍ନ ରାଜ୍ୟରୁ ୪ ଶହରୁ ଅଧିକ କୁକୁର ଅଂଶଗ୍ରହଣ କରିଥିଲେ । ସେମାନଙ୍କ ମଧ୍ୟରେ ୩୪ଟି ପ୍ରଜାତିର କୁକୁର ରହିଛନ୍ତି । ୩ ଦିନ ଧରି ଆୟୋଜିତ କାର୍ଯ୍ୟକ୍ରମର ପ୍ରଥମ ଦିନରେ ଜର୍ମାନ ସେଫର୍ଡ ପ୍ରଜାତିର କୁକୁରଙ୍କ ପ୍ରତିଯୋଗିତା ହୋଇଥିବା ବେଳେ, ଦ୍ବିତୀୟ ଦିନରେ କୁକୁରଙ୍କ ଓବିଡିଏଣ୍ଟ ଟେଷ୍ଟ୍ କରାଯାଇଥିଲା।
ଆଜି ଶେଷ ଦିନରେ ସବୁ ପ୍ରଜାତିର କୁକୁରଙ୍କ ମଧ୍ୟରେ ପ୍ରତିଯୋଗିତା ଦେଖିବାକୁ ମିଳିଛି । ପ୍ରଥମ ଥର ପାଇଁ ଗୋଟିଏ ଇଣ୍ଡିଆନ୍ ଡଗ୍ ବା ବୁଲ କୁକୁରକୁ ଟ୍ରେଣ୍ଡ୍ କରାଯାଇ ଏହି ପ୍ରତିଯୋଗିତାରେ ସାମିଲ କରାଯାଇଥିଲା । ଅଷ୍ଟ୍ରେଲିଆରୁ ଲୁଇ ଡୋନାଲଡ଼ ଓ ସର୍ବିଆରୁ ପିଟର ଫେରିକ ବିଚାରକ ଭାବେ ଯୋଗ ଦେଇଛନ୍ତି ।
