ଲସକର-ଇ-ତଏବାର କମାଣ୍ଡର ନଦୀମ ଅବରାର ଗିରଫ
1 min read
ଶ୍ରୀନଗର: ଲସକର-ଇ-ତଏବାର ତୁଙ୍ଗ କମାଣ୍ଡର ନଦୀମ ଅବରାର କାଶ୍ମୀରରୁ ଗିରଫ ହୋଇଛି। ଜାମ୍ମୁ ଏୟାରବେସରେ ହମଲା ପରେ ଏହି ଗିରଫଦାରୀ ବେଶ୍ ଗୁରୁତ୍ବପୂର୍ଣ୍ଣ ସାବ୍ୟସ୍ତ ହୋଇଛି। ଭାରତର ବିଭିନ୍ନ ନିରାପତ୍ତା ପ୍ରତିଷ୍ଠାନ ଉପରେ ଆକ୍ରମଣ ସହ ବିଭିନ୍ନ ହମଲାରେ ସାମିଲ ଥିବା ଅଭିଯୋଗରେ ତାଙ୍କୁ ଗିରଫ କରାଯାଇଛି । ଏନେଇ ସୂଚନା ଦେଇଛନ୍ତି କାଶ୍ମୀର ଜୋନ ଆଇଜିପି ବିଜୟ କୁମାର।
ଜାମ୍ମୁ ବିସ୍ଫୋରଣ ପଛରେ କାହାର ହାତ ସେନେଇ ତନାଘନା ଚାଲିଥିବା ବେଳେ ପରିମପୋରସ୍ଥିତ ଏକ ଚେକପଏଣ୍ଟରେ ନଦୀମ ଓ ଅନ୍ୟ ଜଣେ ସହଯୋଗୀଙ୍କୁ ଗିରଫ କରାଯାଇଥିଲା। ସେମାନଙ୍କ ନିକଟରୁ ଏକ ପିସ୍ତଲ ଓ ଗ୍ରେନେଡ ଜବତ ହୋଇଛି। କିଛି ମାସ ତଳେ କାଶ୍ମୀର ଲୟପୋରାରେର ସିଆରପିଏଫର ୩ ଯବାନଙ୍କ ମୃତ୍ୟୁ ଘଟଣାରେ ନଦୀମ ସାମିଲ ଥିଲା ବୋଲି ପୋଲିସ କହିଛି ।