ଅଦରକାରୀ ଲୁହାରେ ନିର୍ମିତ ହେଲା ବୃହତ୍ତମ ଭାରତ ମାନଚିତ୍ର, ଏହାର ଓଜନ ରହିଛି ୪ଟନ୍‌

1 min read

ଗଞ୍ଜାମ: ବ୍ରହ୍ମପୁର ଆଇଟିଆଇରେ ଲୋକାର୍ପିତ ହେଲା ବୃହତ୍ତମ ଭାରତ ମାନଚିତ୍ର। ଭାରତ ବର୍ଷରେ ଦକ୍ଷତା ଓ ବିକାଶ କ୍ଷେତ୍ରରେ ଉଦାହରଣ ସୃଷ୍ଟି କରିଥିବା ବ୍ରହ୍ମପୁର ସିଳ୍ପ ତାଲିମ ଅନୁଷ୍ଟାନ ସହିତ ଯୋଡି ହୋଇଛି ପୁଣି ଏକ କିର୍ତ୍ତି। କ୍ୟାମ୍ପସ ଭିତରେ ଏସିଆର ସର୍ବବୃହତ ସ୍କ୍ରାପ୍ ପାର୍କରେ ଅଦରକାରୀ ଲୁହାରେ ୩୦ ଫୁଟ ଉଚତାର ବିଶିଷ୍ଟ ଭାରତ ମାନଚିତ୍ର ପ୍ରସ୍ତୁତ କରିଛନ୍ତି ଛାତ୍ରଛାତ୍ରୀ।

ଏହାର ଓଜର ରହିଛି ୪ଟନ୍। ଏହି ମାନଚିତ୍ରକୁ ଓଡ଼ିଶା ଦକ୍ଷତା ବିକାଶ ପ୍ରାଧିକରଣ ଅଧକ୍ଷ ସୁବ୍ରତ ବାଗଚି ଲୋକାର୍ପିତ କରିଥିବା ବେଳେ ଏହା ଏସିଆ ଦେଶର ସବୁଠାରୁ ମାନଚିତ୍ର ବୋଲି କହିଛନ୍ତି। ଖାଲି ସେତିକି ନୁହେଁ ଛାତ୍ରଛାତ୍ରୀ ମାନେ ଅଦରକାରୀ ଲୁଆରେ ବିଭିନ୍ନ ପ୍ରକାରର ଷ୍ଟାଚୁ ମାନ ନିର୍ମାଣ କରିଛନ୍ତି।

ଲୁହାରେ ଆଇରନ ମ୍ୟାନ୍‌, ଗିଟାର, ରାକ୍ଷସ, ଜେବ୍ରା, ପେନ୍‌ ତିଆରି କରିଛନ୍ତି। ଏହି ଲୋକାର୍ପିତ ଉତ୍ସବରେ ବିଭାଗିୟ ମୁଖ୍ୟ ସଚିବ ସଞ୍ଜୟ ସିଂ, ଗଞ୍ଜାମ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ ଶିନ୍ଦେ ଦତ ଭାଉ ସାହେବ, ମହାନଗର ନିଗମ କମିସନର ସିଦ୍ଦେଶ୍ବର ବଳିରାମ ବୋନ୍ଦାର, ଟାଟାର ଅମିତାଭ ବଚନ ପ୍ରମୁଖ ଉପସ୍ଥିତ ରହିଥିଲେ। ସେପଟେ ଉପସ୍ଥିତ ଅତିଥି ମାନଙ୍କୁ ଲୁହାରେ ନିର୍ମିତ କାନ୍ଥ ଘଣ୍ଟା ନିର୍ମାଣ କରି ଉପହାର ଦେଇଛନ୍ତି।

Opn Commnet Area

Leave a Reply

Your email address will not be published. Required fields are marked *

Close Bitnami banner