ଭୁବନେଶ୍ବର: ସାମ୍ନାକୁ ଆସିଲା ହଂସିତା ଓ ଅନୀଲଙ୍କ ଅଫିସରେ କାର୍ଯ୍ୟ କରୁଥିବା ପୂର୍ବତନ କର୍ମଚାରୀଙ୍କ ବୟାନ। ଅନୀଲ ମହାନ୍ତି ଓ ହଂସିତା କିଭଳି ବିଭିନ୍ନ ବହୁରାଷ୍ଟ୍ରୀୟ କମ୍ପାନୀର ସିଏସଆର ପାଣ୍ଠି ହାତଉଥିଲେ, ତାର exclusive ତଥ୍ୟ ନନ୍ଦିଘୋଷ ଟିଭି ହାତରେ ଲାଗିଛି। କିଭଳି କୋଟି କୋଟି ଟଙ୍କାର ସିଏସଆର ଫଣ୍ଡ ହାତେଇ ସେମାନେ ଆଡ଼ମ୍ଵରପୂର୍ଣ୍ଣ ଜୀବନ ବିତାଉଥିଲେ। ଏପରିକି ବଡବଡିଆଙ୍କ ଫଟୋ ସହ ନିଜ ଫଟୋ ଏଡିଟ କରିବାକ ସେହି କର୍ମଚାରୀଙ୍କୁ କହୁଥିଲେ ହଂସିତା ଓ ଅନୀଲ। ସେହି ପୂର୍ବତନ କର୍ମଚାରୀ ଜଣକ ପୋଲିସକୁ ଏହି ବୟାନ ଦେଇଛନ୍ତି। ନନ୍ଦିଘୋଷ ଟିଭି ହାତରେ ଲାଗିଛି ସେହି ବୟାନର exclusive କପି।
ସେପଟେ ଖୋଲିବାରେ ଲାଗିଛି ହଂସିତାଙ୍କ କଲାସାମ୍ରାଜ୍ୟର ଗୁମର। ରାଜଧାନୀରେ କାୟା ମେଲାଇଥିଲା ହଂସିତାଙ୍କ ଦବଦବା। ଏପରିକି ଜମି ପଜେସନ ଦେଉଥିଲେ ହଂସିତା । ବିଲ୍ଡରଙ୍କ ସହ ମିଶି ରାଜଧାନୀରେ ମୂଲ୍ୟବାନ ଜମି ହାତଉଥିଲେ । ବିଲ୍ଡରଙ୍କ ସହ ଏ ନେଇ ୩୦ ଲକ୍ଷ ଟଙ୍କାର ଡିଲ ମଧ୍ୟ ହୋଇଥିଲା । ୨୦୧୬ ମସିହା ଏପ୍ରିଲ ମାସରେ ବଡଗଡ଼ ଥାନା ବ୍ରହ୍ମେଶ୍ୱର ପାଟଣା ଭୋଇ ସାହିରେ ବିଲ୍ଡର ନେଇଥିଲେ ଏହି ପଜେସନ । ୫୦ରୁ ଉର୍ଦ୍ଧ୍ବ ଲୋକଙ୍କୁ ନେଇ ଜେସିବି ସହ ସେଠାରେ ପହଞ୍ଚିଥିଲେ ହଂସିତା । କିନ୍ତୁ ଉଚ୍ଛେଦ ହୋଇଥିବା ପରିବାରର ଦାବି ମୁତାବକ ବା ଉଚ୍ଛେଦ ପରିବାରକୁ ପରେ ଥଇଥାନ କରାନଯିବାରୁ ଲୋୟର ପିଏମଜିରେ ଧାରଣା ଦେଇଥିଲେ କ୍ଷତିଗସ୍ତ ପରିବାର । ଏଭଳି ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବା ପରେ ହଂସିତାଙ୍କ ଅସଲ ରୂପ ପଦାରେ ପଡିଛି ।
