ବାପପୁଅଙ୍କୁ ହାଣିଲେ ସମ୍ପର୍କୀୟ ଭାଇ ଓ ପୁତୁରା

କପ୍ତିପଦା: ଜମିଜମା ବିବାଦକୁ କେନ୍ଦ୍ର କରି ଜଣେ ବ୍ୟକ୍ତି ଓ ତାଙ୍କ ପୁଅଙ୍କୁ ହାଣିଛନ୍ତି ସମ୍ପର୍କୀୟ ଭାଇ ଏବଂ ପୁତୁରା । ଘଟଣା ଘଟିଛି କପ୍ତିପଦା ଥାନା ନୁଦଡିହା ଗାଁରେ । ଯାହାର ଭିଡିଓ ଆପଣଙ୍କୁ ବି ଡରାଇ ଦେବ ।

ମିଳିଥିବା ସୂଚନା ଅନୁସାରେ ପରମାନନ୍ଦ ନାୟକ ଏବଂ ତାଙ୍କ ପୁଅ ସତ୍ୟସାଇ ନାୟକ ନିଜ ବିଲରେ କାମ କରୁଥିବା ବେଳେ ସମ୍ପର୍କୀୟ ଭାଇ ଜଗବନ୍ଧୁ ନାୟକ ଏବଂ ତାଙ୍କ ପୁଅ ତପନ ନାୟକ, ଶ୍ରୀନାଥ ନାୟକ ସେଠାରେ ପହଞ୍ଚିଥିଲେ । ବିଲରେ କାମ ବନ୍ଦ କରିବାକୁ କହିଥିଲେ । କାମ ବନ୍ଦ ନକଲେ ହାଣି ଦେବେ ବୋଲି ଧମକ ଦେଇଥିଲେ । ଯାହାକୁ ନେଇ ଉଭୟଙ୍କ ମଧ୍ୟରେ ଝଗଡା ହୋଇଥିଲା।  ଝଗଡା ଏତେ ଉଗ୍ର ରୂପ ନେଲା ଯେ ସମ୍ପର୍କୀୟ ଭାଇ ଏବଂ ପୁତୁରା କଟୁରୀ ଧରି ପରମାନନ୍ଦ ଏବଂ ସତ୍ୟସାଇକୁ ଆକ୍ରମଣ କରିଥିଲେ । ଯାହାର ଲାଇଭ ଭିଜୁଆଲ କ୍ୟାମେରାରେ କଏଦ ହୋଇଛି । ଗୁରୁତର ଅବସ୍ଥାରେ ଉଭୟ ବାପପୁଅଙ୍କୁ ଚିକିତ୍ସା ପାଇଁ ଉଦଳା ଡାକ୍ତରଖାନାରେ ଭର୍ତ୍ତି କରାଯାଇଛି । ଉଭୟଙ୍କ ଅବସ୍ଥା ଗୁରୁତର ରହିଛି । ଏ ନେଇ କପ୍ତିପଦା ଥାନାରେ ଅଭିଯୋଗ ହୋଇଛି ।