ପୁରୀ ଶ୍ରୀ ମାର୍ଗ ପାଇଁ ଜମି ଅଧିଗ୍ରହଣ ପ୍ରକ୍ରିୟା ଆରମ୍ଭ

ପୁରୀ: ପୁରୀ ପ୍ରସ୍ତାବିତ ଶ୍ରୀ ମାର୍ଗ ନେଇ ଜମି ଅଧିଗ୍ରହଣ ପ୍ରକ୍ରିୟା ଆରମ୍ଭ । ଏନେଇ ଚୂଡଙ୍ଗ ସାହି ମୌଜାରୁ ଆଜି ଜମି ଅଧିଗ୍ରହଣ କରାଯାଉଛି । ସୁରକ୍ଷା ଦୃଷ୍ଟିକୋଣରୁ ପୋଲିସ ପ୍ରଶାସନ, ଅଗ୍ନିଶମ ବାହିନୀ, ସରକାରୀ ଅଧିକାରୀ ଉପସ୍ଥିତ ଥିଲେ । ମାଜିଷ୍ଟ୍ରେଟଙ୍କ ଉପସ୍ଥିତିରେ ଅଧିଗ୍ରହଣ ହେଉଛି । ଆଗରୁ ଏନେଇ ପ୍ରଶାସନ ପକ୍ଷରୁ ସୂଚନା ଦିଆଯାଇଥିବା ବେଳେ ସଭିଏଁ ସମ୍ମତି ପ୍ରକାଶ କରିଥିଲେ । ତେବେ ଏହି ରାସ୍ତା ସିଧାସଳଖ ଶ୍ରୀଜଗନ୍ନାଥ ପାର୍କିଂ ଓ ପିଲିଗ୍ରିମ ସେଣ୍ଟରରୁ ଦୋଳବେଦୀ କୋଣ ପର୍ଯ୍ୟନ୍ତ ସଂଯୋଗ ହେଉଛି । ଯାହାଦ୍ୱାରା ଭକ୍ତ ଶ୍ରଦ୍ଧାଳୁ ସେଠାରେ ଗାଡ଼ି ପାର୍କିଂ କରି ଶ୍ରୀମନ୍ଦିର ପର୍ଯ୍ୟନ୍ତ ଆସି ଦର୍ଶନର ସୁବିଧା ପାଇବେ ।