ଯେ କୌଣସି ସମୟରେ କାମ କରିବା ବନ୍ଦ କରିପାରେ ଲାଲୁଙ୍କ କିଡନୀ: ସରକାରଙ୍କୁ ଦିଆଗଲା ସୂଚନା

1 min read

ରାଞ୍ଚି: ବିହାର ପୂର୍ବତନ ମୁଖ୍ୟମନ୍ତ୍ରୀ ତଥା ରାଷ୍ଟ୍ରୀୟ ଜନତା ଦଳ (ଆରଜେଡି) ମୁଖ୍ୟ ଲାଲୁ ପ୍ରସାଦ ଯାଦବଙ୍କ ସ୍ୱାସ୍ଥ୍ୟାବସ୍ଥାରେ ଅବନତି ଦେଖିବାକୁ ମିଳିଛି । ରାଞ୍ଚି ରିମ୍ସ ହସ୍ପିଟାଲରରେ ଲାଲୁ ଏବେ ଚିକିତ୍ସାଧିନ ।ଡାକ୍ତରଙ୍କ ସୂଚନା ମୁତାବକ ଲାଲୁଙ୍କ କିଡନୀର କ୍ରିଏଟିନିନ୍ ଲେବେଲ୍ ଲଗାତାର ଭାବେ ବଢ଼ିବାରେ ଲାଗିଛି । ତାଙ୍କ କିଡ଼ନୀର କେବଳ ୨୫ ପ୍ରତିଶତ ହିଁ କାମ କରୁଛି । ଶନିବାରଠାରୁ ଲାଲୁଙ୍କ ଚିକିତ୍ସା ଦାୟିତ୍ୱରେ ଥିବା ଉମେଶ ପ୍ରସାଦ ଯାଦବଙ୍କ ସୂଚନା ଦେଇ କହିଛନ୍ତି ଯେ, ଯଦି ଆଗାମୀ ଦିନରେ ମଧ୍ୟ ଏଭଳି ଅବସ୍ଥା ଲାଗି ରହେ ତେବେ ଆଗାମୀ ଦିନରେ ଲାଲୁଙ୍କ ଡାଏଲିସିସ୍ କରିବାକୁ ପଡ଼ିପାରେ  ।

ଡାକ୍ତରଙ୍କ ସୂଚନା ମୁତାବକ ଲାଲୁ ଯାଦବଙ୍କ ବ୍ଳଡ୍ ସୁଗର ମଧ୍ୟ ବଢ଼ିଯାଇଛି । ତାଙ୍କୁ ଅଧିକ ଭଲ ଚିକିତ୍ସାର ଆବଶ୍ୟକତା ରହିଛି । ଉମେଶ ଯାଦବଙ୍କ କହିବା ହେଲା ଯେ, ଆବଶ୍ୟକ ପଡ଼ିଲେ ଲାଲୁଙ୍କ ଚିକିତ୍ସା ପାଇଁ ବାହାରୁ ଡାକ୍ତର ଡକାଯିବ । ତେବେ ମେଡିକାଲରେ ଆଡମିଟ୍ ବେଳେ ଲାଲୁଙ୍କ କିଡନୀ ୫୩ ପ୍ରତିଶତ କାମ କରୁଥଇଲା । ଗତ ୨ ବର୍ଷ ମଧ୍ୟରେ କିଡନୀ କାମ କରିବା କମିବାରେ ଲାଗିଛି ।

Opn Commnet Area

Leave a Reply

Your email address will not be published. Required fields are marked *