IRCTC ଜବ୍ ସ୍କାମ ମାମଲା, ହ୍ବିଲ ଚେୟାରରେ କୋର୍ଟରେ ପହଞ୍ଚିଲେ ଲାଲୁ ଯାଦବ

ନୂଆଦିଲ୍ଲୀ: ହ୍ୱିଲ ଚେୟାରରେ କୋର୍ଟରେ ପହଞ୍ଚିଲେ ଲାଲୁ ଯାଦବ । ଲ୍ୟାଣ୍ଡ ଫର ଜବ୍ ସ୍କାମ ଅଭିଯୋଗରେ ଆଜି ଦିଲ୍ଲୀର ରାଉଜ ଆଭେନ୍ୟୁ କୋର୍ଟରେ ହାଜର ହୋଇଛନ୍ତି ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବ । ବିହାରର ପୂର୍ବତନ ମୁଖ୍ୟମନ୍ତ୍ରୀ ତଥା ଲାଲୁଙ୍କ ପତ୍ନୀ ରାବଡି ଦେବୀ ଓ ଝିଅ ମିସା ଭାରତୀ ମଧ୍ୟ କୋର୍ଟରେ ପହଞ୍ଚିଛନ୍ତି । କିଛି ସମୟ ପରେ କୋର୍ଟରେ ଶୁଣାଣି ଆରମ୍ଭ ହେବ । ରାବଡି ଦେବୀ, ଲାଲୁ ଯାଦବ, ମିଶାଙ୍କ ସମେତ ୧୪ ଜଣଙ୍କୁ ଗତ ୨୭ ଫେବୃଆରୀରେ ସମନ ଜାରି କରିଥିଲେ କୋର୍ଟ ।

କୋର୍ଟରେ ହାଜର ହେବା ପୂର୍ବରୁ ଦିଲ୍ଲୀ ଓ ବିହାରରେ ସିବିଆଇ ଟିମ୍ ରାବଡି ଦେବୀଙ୍କୁ ପଚରାଉଚରା କରିଥିଲା । ୨୦୦୪ରୁ ୨୦୦୯ ମସିହା ପର୍ଯ୍ୟନ୍ତ ଲାଲୁ ରେଳମନ୍ତ୍ରୀ ଥିବା ବେଳେ IRCTCରେ ଚାକିରି ପାଇଁ ସେ ଜମି ନେଇଥିବା ଅଭିଯୋଗ ହୋଇଛି । ଲାଲୁଙ୍କ ପରିବାରକୁ ଏହି ଜମି କମ୍ ଦାମରେ କିମ୍ବା ଗିଫ୍ଟ ଆକାରରେ ଦିଆଯାଇଥିଲା ବୋଲି ସିବିଆଇ ଅଭିଯୋଗ କରିଛି ।