ଗରିବ ପ୍ଳାଜ୍ମା ଦାତାଙ୍କୁ ଆର୍ଥିକ ସହାୟତା ଯୋଗାଇବ ଲାଲଚନ୍ଦ ଜୁଏଲର୍ସ: ପ୍ରସ୍ତାବକୁ ରାଜ୍ୟ ସରକାରଙ୍କ ଅନୁମତି
ଭୁବନେଶ୍ୱର: ଆର୍ଥିକ ଅନଗ୍ରସର ପ୍ଳାଜ୍ମା ଦାତାଙ୍କୁ ଆର୍ଥିକ ସହାୟତା ଯୋଗାଇଦେବ ଲାଲଚାନ୍ଦ ଫାଉଣ୍ଡେସନ୍ । ଲାଲଚାନ୍ଦର ଏହି ପ୍ରସ୍ତାବକୁ ରାଜ୍ୟ ସରକାରଙ୍କ ପକ୍ଷରୁ ସ୍ୱୀକୃତି ଦିଆଯାଇଛି । ଲାଲଚନ୍ଦ ଗ୍ରୁପ୍ ଫାଉଣ୍ଡର ସଞ୍ଜୟ ହଂସ ନିକଟରେ ଏହି ଫାଉଣ୍ଡେସନର ଗଠନ କରିଛନ୍ତି ଯାହା ରାଜ୍ୟର ଗରିବ ଶ୍ରେଣୀର ଲୋକଙ୍କୁ ସହଯୋଗ କରିବ । ସ୍ୱୀକୃତି ପରେ ରାଜ୍ୟ ସରକାରଙ୍କୁ କୃତଜ୍ଞତା ଜ୍ଞାପନ କରିଛନ୍ତି ସଞ୍ଜୟ । ସେ ଆହୁରି କହିଛନ୍ତି ଯେ, ରାଜ୍ୟ ସରକାରଙ୍କ ଜନହିତକାରୀ କାର୍ଯ୍ୟ ହିଁ ତାଙ୍କୁ ଲୋକଙ୍କ ସହଯୋଗ ନେଇ ପ୍ରେରିତ କରିଛି ।
ସୂଚନା ଯୋଗ୍ୟ ଯେ, ପୂର୍ବରୁ ହିଁ ସଞ୍ଜୟ ହଂସ ସାମାଜିକ ସେବା କାର୍ଯ୍ୟରେ ସକ୍ରିୟ ଅଛନ୍ତି । ସଞ୍ଜୟଙ୍କ ଜଣେ ଘନିଷ୍ଠ ସହଯୋଗୀ ନିଜ ନାମ ଗୋପନ ରଖି ଏହା କହିଛନ୍ତି । ସେ ଆହୁରୀ କହିଛନ୍ତି, ସଞ୍ଜୟ ସବୁବେଳେ ଗରିବ ଲୋକ ଓ ବିଭିନ୍ନ ଅନୁଷ୍ଠାନକୁ ସହଯୋଗ କରିଆସିଛନ୍ତି । ସେ ବହୁ ବର୍ଷ ଧରି ଏଭଳି କାର୍ଯ୍ୟ କରୁଆସୁଥିଲେ ମଧ୍ୟ ଖୁବ୍ କମ୍ ଲୋକ ଏସବୁ ସମ୍ପର୍କରେ ଜାଣନ୍ତି । କାହିଁକି ସେ ଲୋକଦେଖାଣିଆକୁ ପସନ୍ଦ କରନ୍ତିନାହିଁ । ଚୁପ୍ ଚାପ ନିଜ କାମ କରିବାକୁ ସେ ପସନ୍ତ କରନ୍ତି । ଏବେ ସେ ଏଭଳି କାର୍ଯ୍ୟକୁ ଅଧିକ ବ୍ୟବସ୍ଥିତଭାବେ କରିବାକୁ ଇଚ୍ଛା ପ୍ରକାଶ କରିଛନ୍ତି । ଯାହା ଫଳରେ ରାଜ୍ୟ ସରକାରଙ୍କୁ ଅଧିକରୁ ଅଧିକ ସହଯୋଗ କରିବା ସହ ସଞ୍ଜୟଙ୍କ ସହାୟତା ଅଧିକ ଲୋକଙ୍କ ପାଖରେ ପହଞ୍ଚିପାରିବ । ଏଥିସହିତ ଯୋଗ୍ୟ ପ୍ଳାଜ୍ମା ଦାତା ଆସି ଅନୁଷ୍ଠାନ ତରଫରୁ ପ୍ରଦାନ କରାଯାଉଥିବା ସହାୟତାକୁ ଗ୍ରହଣ କରିବାକୁ କୁହାଯାଇଛି ।
ନିରନ୍ତର ପରିଶ୍ରମ ଫଳରେ ଭଲ କ୍ୱାଲିଟିର ସାମଗ୍ରୀ ଓ ଗ୍ରାହକଙ୍କ ଆତ୍ମସନ୍ତୋଷକୁ ଗୁରୁତ୍ୱ ଦିଆଯିବା ଫଳରେ ୨୦୦ ସ୍କ୍ୟୁଏର ଫୁଟ୍ର ରୁପା ଦୋକାନ ଆଜି ପୂର୍ବ ଭାରତର ସର୍ବ ବୃହତ ଅର୍ଥାତ ୩୦ ହଜାର ସ୍କ୍ୟୁଏର ଫୁଟର ଜୁଏଲାରୀ ସପ୍ରେ ପରିଣତ ହୋଇଛି । ଟ୍ୱିନ୍ ସିଟିରେ ମୋଟ ୭୦ ହଜାର ସ୍କ୍ୟୁଏର ଫୁଟ ଗହଣ ଦୋକାନ ରହିଛି ।
